• TikTok #ناۋرىز2025 ءۇشىنشى جىل سايىنعى مەرەكەلىك ونلاين-فەستيۆالدىڭ قورىتىندىسىن شىعاردى. پلاتفورمانىڭ قولدانۋشىلارى بۇل باستامانى زور قۇلشىنىسپەن قولدادى: جوبا وتكەن ەكى اپتانىڭ ىشىندە قازاقستاندىقتار ناۋرىز مەرەكەسىنە قالاي دايىندالىپ، قالاي اتاپ وتەتىنى تۋرالى 25 مىڭنان استام ۆيدەو جاريالاعان. فەستيۆال وتكىزىلىپ كەلە جاتقان ءۇش جىل ىشىندە قولدانۋشىلار ناۋرىز مەرەكەسى تۋرالى جالپى سانى 180 مىڭعا جۋىق ۆيدەو تۇسىرگەن.
• بيىلعى ونلاين-فەستيۆال سەرىكتەستەر سانى جونىنەن دە رەكورد ورناتتى. ولار: قر مادەنيەت جانە اقپارات مينيسترلىگى، قر عىلىم جانە جوعارى ءبىلىم مينيسترلىگى، قر تۋريزم جانە سپورت مينيسترلىگى، «Kazakh Tourism» ۇلتتىق كومپانياسى، Visit Shymkent, الماتى تۋريزم بيۋروسى جانە «Astana Tourism» ءتۋريزمدى دامىتۋ ورتالىعى.
• ونلاين-فەستيۆالگە سونداي-اق قازاقستاننىڭ تۇكپىر-تۇكپىرىنەن 24 جوعارى وقۋ ورنى قاتىستى.

قىسقا ۆيدەولار جاساۋعا ارنالعان TikTok بىرەگەي پلاتفورماسى بىرنەشە جىلدان بەرى قازاقستاننىڭ باي مادەني مۇراسىن قولداۋعا جانە ناسيحاتتاۋعا باعىتتالعان ءتۇرلى باستامالاردى جۇزەگە اسىرىپ، قازاقستاندىقتاردىڭ ۇلتتىق سالت-ءداستۇر كوركەمدىگىن بۇكىل الەمگە پاش ەتۋىنە مۇمكىندىك بەرىپ كەلەدى. وسىنداي باستامالاردىڭ ءبىرى، TikTok-تا ءۇشىنشى جىل قاتارىنان ءوتىپ جاتقان – ناۋرىز مەرەكەسىنە ارنالعان ونلاين-فەستيۆال. پلاتفورمانىڭ قازاقستانداعى مىڭداعان قولدانۋشىلارى كوكتەمنىڭ ەڭ جارقىن مەرەكەسىن جۇمىلا اتاپ ءوتتىى.

#ناۋرىز2025 TikTok-تا

بيىلعى ونلاين-فەستيۆالدى TikTok قولدانۋشىلارى قىزۋ قولدادى: نەبارى ەكى اپتا ىشىندە ولار #ناۋرىز2025 حەشتەگىمەن 25 مىڭنان استام ۆيدەو جاريالادى. پلاتفورما قولدانۋشىلارى ناۋرىز مەرەكەسى تۋرالى جان-جاقتى باياندادى: مەرەكەدەگى داستۇرلەر مەن ونىڭ شىعۋ تاريحى، ۇلتتىق تاعامدار ازىرلەۋ ءادىسىن ءبولىسىپ، ءان اۋەلەپ، بي شالىقتاعان مەرەكەلىك شارالاردان رەپورتاج ءتۇسىرىپ - ءتول مادەنيەتتىڭ كوركەم بەينەسىن ايشىقتاي ءتۇستى.

رەسمي سەرىكتەستەردەن بولەك، جوبانى TikTok-تاعى تانىمال كرەاترلار ونتەنت دا قولدادى. دارىندى دومبىراشى جاقسى @zhakso_ "قاماجاي" ءانىن ەرەكشە وڭدەپ ورىندادى، ال @ult_kazynasy ءبىلىم بەرۋ جوباسىنا قاتىسۋشىلار ناۋرىز مەرەكەسىنە قاتىستى قىزىقتى دەرەكتەردى ءبولىستى. اسپازدىق كونتەنت جاسايتىن كرەاتور سانيا @saniya_sagiimbaeva كەرەمەت بەزەندىرىلگەن ۇلتتىق تاعامدار ازىرلەسە، ساياحاتشى كرەاتور اسەت @travelove100 قولدانۋشىلارعا مەرەكەلىك كوڭىل-كۇي سىيلادى.

سونىمەن قاتار، TikTok العاش رەت ەلدىڭ ءىرى قالالارى: استانا، الماتى جانە شىمكەنتتەگى مەرەكەلىك ءىس-شارالار وتكەن الاڭداردا ارنايى ينتەراكتيۆ ورىندار ازىرلەدى. بۇل ورىندار وسى قالالارداعى  مىڭداعان تۇرعىندارى مەن قوناقتاردىڭ كوزايىمىنا اينالدى.

مەرەكەلىك داستارحان

تاماق - فەستيۆالدىڭ باستى تاقىرىپتارىنىڭ ءبىرى بولدى. قولدانۋشىلار قوناقتارعا جايىلعان داستارحاندى كورسەتىپ، ناۋرىز-كوجە، قۋىرداق جانە ءتۇرلى تاتتىلەردىڭ دايىندالۋ جولىن كورسەتتى. ناعىز اسپازدار سايىسىنا قاتىسىپ، قازاقستانداعى ءتۇرلى اسپازدىق مادەنيەتتى قالاي ۇشتاستىرۋعا بولاتىنى تۋرالى ازىلدەستى. سونداي-اق ۇلتتىق تاعام ۇسىناتىن مەكەمەلەرگە شولۋ جاساپ، ءارالۋان تكونتەنت ۇسىندى.

سۋرەت: TikTok ونلاين-فەستيۆالىنەن.

ۇلتتىق مۋزىكا جانە بي

مەرەكە كەزىندە TikTok-تا  ۇلتتىق اۋەندەر اۋەلەدى.  دومبىرا ترەندكە اينالدى:  دومبىرادا شەبەر وينايتىن  قولدانۋشىلار ونەرىن پاش ەتىپ،  ءداستۇرلى جانە زاماناۋي تۋىندىلارعا كاۆەر تارتتى. سونداي-اق ۇلتتىق كيىم كيىپ، بي  بيلەۋ دە TikTok لەنتاسىن جاۋلادى. اسىرەسە سايا ماحامبەتتىڭ "قازاعىمسىڭ" انىنە بيلەۋ – جەكە ترەندكە اينالدى. قولدانۋشىلار بۇل انگە ۇيدە، دوستارىمەن، وتباسىمەن بىرگە بيلەپ، ءتىپتى ءاندى سكريپكامەن دە سۇيەمەلدەپ كوردى.

زاماناۋي جانە ءداستۇرلى ءسان ونەرىنىڭ ۇيلەسىمى

فەستيۆالدىڭ ەڭ ەلەۋلى ترەندى - ۇلتتىق ءسان ونەرىنە  جانە ونى قازىر زامانعا بەيىمدەۋگە دەگەن اينىماس قىزىعۋشىلىق بولدى.  قولدانۋشىلار ۇلتتىق كيىمدەردى جاڭعىرتىپ, زامانعا ساي ينتەرپرەتاتسيادا ۇسىندى. ءتىپتى ولار مەرەكە كۇنى بەتتەرىنە ويۋ-ورنەكتەرمەن  ماكياج جاساپ، ۇرپاقتار جالعاستىعى مەن مادەني مۇراعا وسىلاي دا قۇرمەت كورسەتتى.

«قازاقستان رەسپۋبليكاسىنىڭ مادەنيەت جانە اقپارات مينيسترلىگى TikTok پلاتفورماسىنىڭ جىل سايىنعى #ناۋرىز2025 ونلاين-فەستيۆالىن وتكىزۋ باستاماسىن قۇپتايدى. بۇل باستاما ۇلتتىق داستۇرلەر مەن مادەني قۇندىلىقتاردى قادىڭ كوپشىلىككە، اسىرەسە جاستارعا ناسيحاتتاۋعا ىقپال ەتەدى. ءبىز تسيفرلىق پلاتفورمالاردىڭ ماتەريالدىق ەمەس مادەني مۇرانى ساقتاۋ مەن ىلگەرىلەتۋگە قوسقان ۇلەسىن جوعارى باعالايمىز. ناۋرىزدىڭ تاريحىنا، مەرەكەلىك داستۇرلەرگە شىنايى قىزىعۋشىلىق تانىتقان قازاقستاندىق قولدانۋشىلاردىڭ بەلسەندىلىگى ۇرپاقتار اراسىنداعى ساباقتاستىق پەن ۇلتتىق بىرەگەيلىكتى ساقتاۋعا دەگەن زامانعا ساي ۇمتىلىستى كورسەتەدى. مۇنداي باستامالار ەلدىڭ مادەني تۇتاستىعىن نىعايتىپ، كرەاتيۆتى يندۋستريانىڭ دامۋىنا سەپتىگىن تيگىزەتىنىنە سەنىمدىمىز»، دەپ اتاپ ءوتتى قازاقستان رەسپۋبليكاسىنىڭ مادەنيەت جانە اقپارات مينيسترلىگى.

مەرەكەلىك ءىس-شارالار

TikTok پلاتفورماسى  استانادان شىمكەنتكە، اقتاۋدان الماتىعا دەيىن، ەلىمىزدىڭ تۇكپىر-تۇكپىرىندەگى قالالار مەن اۋىلداردا وتكەن مەرەكەلىك ءىس-شارالاردان تۇسىرىلگەن  جارقىن كورىنىستەرگە تولدى. كوكتەمنىڭ ەڭ كوركەم مەرەكەسىن اتاپ ءوتۋ ءۇشىن ميلليونداعان ادام كوشەگە شىعىپ، ۇلتتىق تاعامداردان ءدام تاتىپ، ءتۇرلى ويىن-ساۋىق شارالارىنا قاتىسىپ، مەرەكەلىك كوڭىل كۇيلەرىن TikTok - تا  ءبولىستى.  رەكورد تا تىركەلدى: كوكشەتاۋدا 1600 ايەل كيمەشەك كيىپ، اسەرلى شەرۋ وتكىزدى. ال اقتاۋدا 5 مىڭنان استام ادام ۇلتتىق كيىممەن كاسپي تەڭىزىنىڭ جاعالاۋىنا جينالىپ، سالت-داستۇرگە دەگەن قۇرمەتتى پاش ەتتى.

ستۋدەنتتەردىڭ شىعارماشىلىعى

بيىل – قازاقستاندىق جوعارى وقۋ ورىندارىنىڭ ستۋدەنتتەرى مەن وقىتۋشىلارى ەرەكشە بەلسەندىلىك تانىتتى.  ولار ۇلتتىق كيىم كيىپ، قويىلىمدارعا قاتىسىپ، داستارحان جايىپ، جوو قابىرعاسىندا ناۋرىز قالاي تويلاناتىنىن كورسەتتى. جالپى، #ناۋرىز2025 ونلاين-فەستيۆالىنە قازاقستاننىڭ 24 جوعارى وقۋ ورنى قاتىستى. مىسالى، Almaty Management University-دە ۇلتتىق كيىم ۇلگىلەرى كورسەتىلسە، Narxoz University ستۋدەنتتەرى بي ترەندىنە قوسىلدى، Nazarbayev University-دە دومبىرامەن كۇي شەرتتى، ال ZhanibekovUniversity ستۋدەنتتەرى مەرەكەلىك شارالاردىڭ ۆيدەولارىن ءبولىستى.

«قازاقستاندىق جوعارى وقۋ ورىندارىنىڭ #ناۋرىز2025 ونلاين-فەستيۆالىنە قاتىسۋى – زاماناۋي تسيفرلىق پلاتفورمالاردىڭ ءبىلىم بەرۋ ءۇردىسىن ءتيىمدى تۇردە تولىقتىرا وتىرىپ، ستۋدەنتتەردىڭ مادەني مۇرانى ساقتاۋ مەن ناسيحاتتاۋىنا اتسالىسا الاتىنىن كورسەتتى. جاستاردىڭ ۇلت ءداستۇرىنى كرەاتيۆ، مۋزىكا، ءسان جانە ونەر ارقىلى زور شابىتپەن پاش ەتۋى ءبىزدى قۋانتادى – بۇل زەردەرى ءارى مادەني تۇرعىدا ورنىققان تۇلعانى قالىپتاستىرۋعا باعىتتالعان ماڭىزدى قادام. ءبىلىم، شىعارماشىلىق پەن ۇلتتىق قۇندىلىقتاردى ۇشتاستىراتىن وسىنداي باستامالاردى مينيسترلىك الداعى ۋاقىتتا دا قولداي بەرمەك»، – دەپ اتاپ ءوتتى قر عىلىم جانە جوعارى ءبىلىم ۆيتسە-ءمينيسترى دينارا ريناتقىزى ششەگلوۆا.

ونەر مەن ءداستۇر

TikTok-تاعى سۋرەتشىلەر مەن قولونەر شەبەرلەرى ءوز شىعارمالارىن ناۋرىز مەرەكەسىنە ارنادى. قازاق مادەنيەتىنەن شابىت العان ءبىرىپ ونى كارتيناعا اينالدىرسا، تاعى ءبىرى كىلەمگە سۋرەت سالىپ، ءتىپتى ءبىرى قولدان شاعىن كيىز ءۇي دە جاساپ كورسەتتى.

ناۋرىز – وتباسىلىق مەرەكە رەتىندە

TikTok قولدانۋشىلارى سۇيىكتى مەرەكەنى وتباسىمەن بىرگە قالاي اتاپ وتەتىنىن ءبولىستى، ال تاعى ءبىرى ءۇشىن بۇل – العاشقى ناۋرىز تويى بولدى. مەرەكەگە دارىگەرلەر، كەڭسە قىزمەتكەرلەرى، پوليتسيا وكىلدەرى سياقتى ءتۇرلى كاسىپ يەلەرى دە بەلسەنە اتسالىستى. ءتىپتى ءۇي جانۋارلارى دا اتسالىستى.

«بۇگىندە ءبىز شەتەلدىك تۋريستەردىڭ قازاق مادەنيەتىنە، اسحاناسىنا، سالت-ءداستۇرى مەن ءومىر سالتىنا دەگەن ۇدايى  قىزىعۋشىلىعىن بايقاپ وتىرمىز. ساياحاتشىلار كوبىنە-كوپ تەرەڭ دە ماعىنالى دۇنيەلەر ىزدەيدى — ولار ناعىز ۇلتتىق مۇرانى تانىپ-بىلگىسى كەلەدى. وسى تۇرعىدا جاستارعا جانە جالپى قوعامعا قازاقتىڭ باي ءداستۇرىن زاماناۋي تسيفرلىق پلاتفورمالار ارقىلى كورسەتۋگە مۇمكىندىك بەرەتىن باستامالاردىڭ ءرولى ەرەكشە. بۇل پروتسەسكە جاستاردىڭ بەلسەندى تۇردە ارالاسۋى - اسا ماڭىزدى»، — دەدى Kazakh Tourism باسشىسى قايرات سادۆاقاسوۆ.

«سوڭعى ءۇش جىلدا ناۋرىز مەرەكەسىنە وراي ونلاين-فەستيۆال وتكىزۋگە ۇلەس قوسقانىمىزدى ماقتان ەتەمىز.  وسى ۋاقىت ارالىعىندا قازاقستاننىڭ تۇكپىر-تۇكپىرىندەگى قولدانۋشىلار ۇلتتىق مەرەكەگە وراي 180 مىڭعا جۋىق بەينەروليك ءتۇسىرىپ، وزدەرىن وسىناۋ ءىرى مادەني شارانىڭ ءبىر بولشەگى سەزىنىپ، ءوز حالقىنىڭ مادەنيە مۇراسىن ءبىر-بىرىنە عانا ەمەس، بۇكىل الەمدەگى TikTok قولدانۋشىلارىنا پاش ەتە الدى. مۇنداي ناتيجە بىزگە زور شابىت سىيلادى جانە ءبىز قازاقستاننىڭ ۇلتتىق مادەنيەتىمەن قاتار، ەلىمىزدىڭ بۇكىل وڭىرىندەگى قولدانۋشىلاردىڭ شىعارماشىلىق رۋحىنا قولداۋ كورسەتۋدى جالعاستىرا بەرەمىز»- دەپ اتاپ ءوتتى TikTok-تىڭ شىعىس ەۋروپا جانە ورتالىق ازيا بويىنشا وپەراتسيالىق ءبولىمىنىڭ باسشىسى مەليس چاگلار

TikTok تۋرالى

TikTok – بۇل قىسقا بەينەباياندار جاساۋعا ارنالعان جەتەكشى قوسىمشا. ءبىزدىڭ ماقساتىمىز – ادامداردى شىعارماشىلىققا شابىتتاندىرىپ، باقىتقا بولەۋ.

Abai.kz