تۇلعالار ىركەس-تىركەس ءپاني دۇنيەدەن باقيعا اتتانىپ كەتىپ جاتىر. بۇگىن قازاق رۋحانياتى تاعى دا اۋىر قازاعا ۇشىرادى. بەلگىلى اقىن، قوعام قايراتكەرى، مەملەكەتتىك سىيلىقتىڭ لاۋرەاتى، كورنەكتى قالامگەر تەمىرحان مەدەتبەك ومىردەن وزدى.  

تەمىرحان مەدەتبەك – قازاق پوەزياسىنىڭ بيىك تۇلعالارىنىڭ ءبىرى ەدى. ول ەلدىڭ تاعدىرىنا الاڭداپ، زامانا ءۇنىن ولەڭمەن ورنەكتەگەن، ۇلتتىق رۋحتى اسقاقتاتىپ، ءسوز ونەرىنىڭ شەبەرلىك بيىگىنە كوتەرىلگەن قالامگەر بولاتىن. ونىڭ شىعارمالارىنان شىنايى ازاماتتىق ءۇن، تەرەڭ فيلوسوفيالىق پايىم، ۇلتتىق بولمىسقا دەگەن ەرەكشە سۇيىسپەنشىلىك سەزىلىپ تۇراتىن. شىندىعىندا，ول مىنا ومىرگە اقىن بولىپ تۋىپ，اقىن بولىپ قايتتى.  

كوك تۇركىلەردىڭ داۋىسىن ازاماتتىق پوەزيادا جاڭعىرتقان ول تاۋەلسىزدىك جىلدارىندا دا قازاق ءسوزىنىڭ ابىرويىن قورعاپ، ۇلتتىڭ ار-نامىسىن اسقاق جىرمەن جىرلاپ ءوتتى. ول ادەبيەتپەن قاتار، قوعام ومىرىنە دە بەلسەنە ارالاسىپ، ەلدىك مۇددە تۇرعىسىنان وتكىر وي ايتىپ، قايراتكەرلىك بەينەسىن دە كورسەتە ءبىلدى. 

قازاق ادەبيەتى تەمىرحان مەدەتبەك سياقتى تاعى ءبىر ۇلى تۇلعاسىنان ايىرىلدى. بۇل – ۇلت رۋحانياتى ءۇشىن ورنى تولماس قازا. 

مارقۇمنىڭ يمانى جولداس، جانى ءجانناتتا بولسىن. 

قازاق ەلى، قالامداس قاۋىم، بارشا جۇرتشىلىققا قايعىمىز ورتاق. اسىرەسە，اقىننىڭ وتباسىنا，تۋىستارىنا قايعىرا كوڭىل ايتامىز！ 

قوش بولىڭىز، تۇركى رۋحىنىڭ، قازاق جىرىنىڭ ۇلى ساردارى！

Abai.kz