قاسىم-جومارت توقاەۆ ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانى قابىلدادى.

مەملەكەت باسشىسىنا الەۋمەتتىك دامۋ، ەڭبەك قاتىناستارى سالالارىنىڭ قازىرگى جاي-كۇيى مەن الداعى جوسپارى جونىندە باياندالدى.

نەگىزگى كورسەتكىشتەر:

بيىلعى 1 مامىرعا دەيىن 157,8 مىڭ ادامدى ەڭبەكپەن قامتۋ شارالارى جۇرگىزىلگەن;

143,2 مىڭ ازامات جۇمىسقا ورنالاستىرىلعان;

جىل باسىنان بەرى 232 مىڭنان استام ادامعا اتاۋلى الەۋمەتتىك كومەك كورسەتىلگەن.

ەڭبەك قاۋىپسىزدىگىن قامتاماسىز ەتۋ:

جۇيەلى جۇمىستىڭ ناتيجەسىندە وندىرىستىك جاراقات الۋ كورسەتكىشى بيىلعى ءى توقساندا 17 پايىزعا تومەندەدى;

ولىمگە اكەپ سوعاتىن قايعىلى وقيعالار وتكەن جىلدىڭ وسى كەزەڭىمەن سالىستىرعاندا 5 پايىزعا ازايدى;

كاسىپتىك تاۋەكەلدەردى انىقتاۋ، باعالاۋ جانە الدىن الۋ، سونداي-اق ەڭبەك قاتىناستارىن دەكلاراتسيالاۋ تەتىكتەرىنىڭ اۆتوماتتاندىرىلعان جۇيەسى ەنگىزىلىپ جاتىر.

تسيفرلاندىرۋ:

مينيستر الەۋمەتتىك-ەكونوميكالىق ورنىقتىلىق پەن وسال وتباسىنى باعالاۋعا ارنالعان سكورينگتى مودەلدى قولدانۋ تۇجىرىمداماسىن ۇسىندى. بۇل جوبانى ەنگىزۋ قاراجاتتى شىن مۇقتاج جانداردىڭ پايداسىنا قايتا بولۋگە جانە قولداۋ شارالارىنىڭ ناقتى يەسىنە جەتۋىنە مۇمكىندىك بەرەدى.

پرەزيدەنت تاپسىرماسى:

الەۋمەتتىك ساياساتتى ودان ءارى جەتىلدىرۋ;

اتاۋلى كومەكتىڭ تيىمدىلىگىن ارتتىرۋ;

جۇمىسپەن قامتۋ شارالارىن كەڭەيتۋ;

ەڭبەك جانە الەۋمەتتىك سالالاردى تسيفرلاندىرۋ.

Abai.kz