استانا. 6 قازان. قازتاگ- قازاقستان الەم ساياساتىندا قازىرگىدەن دە ماڭىزدى ءرول اتقارۋى ءتيىس. فرانتسيا پرەزيدەنتى نيكوليا ساركوزي قازاقستانعا سەيسەنبى كۇنى باستالعان مەملەكەتتىك ساپارى قارساڭىندا «كازاحستانسكايا پراۆدا» گازەتىنە سۇحبات بەرۋ بارىسىندا وسىنداي پىكىر ءبىلدىردى.

«قازاقستان الەم ساياساتىندا بۇدان دا ماندىرەك ءرول اتقارا الاتىنىنا ءبىزدىڭ كوزىمىز جەتەدى. ءبىز سونى قالايمىز»، - دەدى فرانتسيا باسشىسى.

مىسالى، دەدى پرەزيدەنت، اۋعاندىق پروبلەمانىڭ ۇزاق مەرزىمدى شەشىلۋ جولى تەك ساياسي بولۋى مۇمكىن، دەمەك، ول ءۇشىن دامىتۋعا قارقىندى كۇش-جىگەر باعىتتاپ، ايماقتىق ولشەمدەرگە كوبىرەك نازار اۋدارۋ كەرەك. «ءبىز 2008 جىلعى ناتو-نىڭ بۋحارەستە وتكەن سامميتىندە ءدال وسىنداي ستراتەگيانى قابىلدادىق، ونى پاريج بەن گااگاداعى اۋعانستان جونىندەگى حالىقارالىق كونفەرەنتسيالاردا قۋاتتادىق. قازاقستان ءوزىنىڭ ەكونوميكالىق سالماعى مەن ايماقتاعى قۋاتتى ىقپالىنىڭ ارقاسىندا سول كەزدەسۋلەردە قابىلانعان شەشىمدەردى تەز ارادا ىسكە اسىرۋدا ماڭىزدى ءرول اتقارا الادى»، - دەگەن سەنىم ءبىلدىردى ن. ساركوزي.

استانا. 6 قازان. قازتاگ- قازاقستان الەم ساياساتىندا قازىرگىدەن دە ماڭىزدى ءرول اتقارۋى ءتيىس. فرانتسيا پرەزيدەنتى نيكوليا ساركوزي قازاقستانعا سەيسەنبى كۇنى باستالعان مەملەكەتتىك ساپارى قارساڭىندا «كازاحستانسكايا پراۆدا» گازەتىنە سۇحبات بەرۋ بارىسىندا وسىنداي پىكىر ءبىلدىردى.

«قازاقستان الەم ساياساتىندا بۇدان دا ماندىرەك ءرول اتقارا الاتىنىنا ءبىزدىڭ كوزىمىز جەتەدى. ءبىز سونى قالايمىز»، - دەدى فرانتسيا باسشىسى.

مىسالى، دەدى پرەزيدەنت، اۋعاندىق پروبلەمانىڭ ۇزاق مەرزىمدى شەشىلۋ جولى تەك ساياسي بولۋى مۇمكىن، دەمەك، ول ءۇشىن دامىتۋعا قارقىندى كۇش-جىگەر باعىتتاپ، ايماقتىق ولشەمدەرگە كوبىرەك نازار اۋدارۋ كەرەك. «ءبىز 2008 جىلعى ناتو-نىڭ بۋحارەستە وتكەن سامميتىندە ءدال وسىنداي ستراتەگيانى قابىلدادىق، ونى پاريج بەن گااگاداعى اۋعانستان جونىندەگى حالىقارالىق كونفەرەنتسيالاردا قۋاتتادىق. قازاقستان ءوزىنىڭ ەكونوميكالىق سالماعى مەن ايماقتاعى قۋاتتى ىقپالىنىڭ ارقاسىندا سول كەزدەسۋلەردە قابىلانعان شەشىمدەردى تەز ارادا ىسكە اسىرۋدا ماڭىزدى ءرول اتقارا الادى»، - دەگەن سەنىم ءبىلدىردى ن. ساركوزي.

«ءدال وسى سەبەپتەن فرانتسيا سىزدەردىڭ ەلدىڭ كانديداتۋراسىن ەقىۇ توراعالىعىنا قولدادى جانە ءبىز وسى ماڭىزدى ميسسيانى تابىستى اتقارىپ شىعۋعا كومەكتەسەمىز... ەقىۇ-عا توراعالىق ءسىزدىڭ ەلگە وسى باعىتتا دامۋعا قوسىمشا مۇمكىندىك بەرەدى. فرانتسيا ورتا ازيا مەن اۋعانستان اراسىنداعى بايلانىستىڭ نىعايۋىن، سونداي-اق، ول ەلدىڭ ەكونوميكالىق وقشاۋلانۋدان شىعۋىن تولىعىمەن قولدايدى»، - دەپ اتاپ كورسەتتى ول.

پرەزيدەنت پاريج بەن استانانىڭ ەكى جاقتى قارىم-قاتىناسىنىڭ دامۋىنا ەكەرشە ءمان بەرەدى.

«قازاقستان مەن فرانتسيانىڭ كوپتەگەن سالالارداعى مۇددەلەرى ورتاق، بىراق ءبىزدىڭ ىنتىماقتاستىعىمىز الدىمىزدا تۇرعان مىندەتتتەرگە ساي بولعان جوق. ەندى ونى جاڭا ساپالى دەڭگەيگە شىعاراتىن ۋاقىت كەلدى، - دەيدى فرانتسيا باسشىسى. – وسىعان وراي، 2008 جىلى سىزدەردىڭ مەملەكەت باسشىلارىڭىزدىڭ فرانتسياعا ساپارى بارىسىندا ءبىز ستراتەگيالىق ارىپتەستىك تۋرالى كەلىسىمگە وتىردىق. بۇل جاي ءسوز ەمەس. بۇل جەردە ەلدەردىڭ اراسىندا بارلىق سالالاردا ۇزاق مەرزىمدى كەلەشەككە باعىتتالعان ناقتى ىنتىماقتاستىقتى جولعا قويۋ تۋرالى اڭگىمە بولىپ وتىر. مەنىڭ بۇل جولعى ساپارىم بىرقاتار كەلىسىمدەر مەن كەلىسىمشارتتارعا قول قويۋ ارقىلى بەلگىلەگەن ماقساتتاردى ىسكە اسىرۋعا، ەكى جىلدىڭ ىشىندە بۇرىن بولماعان جوعارى دەڭگەيگە كوتەرىلگەن ساياسي ديالوگتى تەرەڭدەتۋگە مۇمكىندىك بەرەدى دەپ ويلايمىن».

سونىمەن قاتار، ن.ساركوزي «قازاقستاننىڭ ەنەرگەتيكالىق باعىتتاردىڭ قيىلىسقان جەرىندە گەوگرافيالىق ورنالاسۋى، ونىڭ مۇناي جانە گاز قورى  بۇكىل الەمدەگى ەنەرگەتيكالىق قاۋىپسىزدىكتى قامتاماسىز ەتۋدەگى ءىرى ويىنشى رەتىندەگى ەلدىڭ ءرولىن ايقىنداي تۇسەتىنىن اتاپ كورسەتتى. «ءسىزدىڭ ەل قۋات تاسىمالداۋشىلاردىڭ باعىتتارىن ارتاراپتاندىرۋعا تىرىسسا، ال ءبىز قۋات كوزدەرىن جەتكىزۋشىلەردى ارتاراپتاندىرۋعا تىرىسامىز. سوندىقتان وسى سالاداعى ىنتىماقتاستىقتى تەرەڭدەتۋ ءبىزدىڭ ورتاق مۇددەمىز بولىپ تابىلادى»، - دەدى ول.

فرانتسيا ونەركاسىپ پەن تەحنولوگيالار سالاسىنداعى ارىپتەستىك بايلانىستارعا قىزىعۋشىلىق تانىتادى. «بۇل جەردەگى ءسوز جاي ساتۋ مەن ساتىپ الۋ تۋرالى ەمەس، ءبىز بىرلەسىپ بىردەڭە جاساعىمىز كەلەدى. بۇعان «ارەۆا» جانە «قازاتومونەركاسىپ» كومپانيالارىنىڭ اتومدىق ەنەرگەتيكا سالاسىنداعى بىرلەسكەن جۇمىسى مىسال بولا الادى. بىراق مۇنداي ىنتىماقتاستىقتى ونەركاسىپ الىپتارىنىڭ اراسىندا عانا دامىتۋ دۇرىس ەمەس. ول شاعىن جانە ورتاشا كاسىپورىنداردى دا قامتۋعا ءتيىس»، - دەيدى فرانتسيا باسشىسى. «سوندىقتان ساپار بارىسىندا ماعان وسىنداي كاسىپورىنداردىڭ كوپتەگەن جەتەكشىلەرى ەرىپ ءجۇر»، - دەدى ول.

سونىمەن قاتار، ەكى ەل ءبىلىم مەن عىلىم سالاسىنداعى ىنتىماقتاستىقتى دامىتۋدا. فرانتسيانىڭ جوعارى وقۋ ورىندارى قازاقستاندىق ستۋدەنتتەردى قابىلداۋعا دايىن. «مادەنيەت سالاسىندا ەكى ەلدىڭ اراسىندا جاقسى ءداستۇر قالىپتاسقان، - دەيدى ن. ساركوزي، - جانە مەن ولاردىڭ جالعاسقانىن قالايمىن».