الماتى وبلىسىندا "زاڭ جانە ءتارتىپ" يدەولوگياسىن ىلگەرىلەتۋ اياسىندا قۇقىق قورعاۋ ورگاندارى قىزمەتكەرلەرى 4120 مەترلىك بيىك شىڭعا كوتەرىلدى، - دەپ حابارلايدى. 

شاراعا ىشكى ىستەر مينيسترلىگى، باس پروكۋراتۋرا، قارجىلىق مونيتورينگ اگەنتتىگى مەن سىبايلاس جەمقورلىققا قارسى قىزمەت وكىلدەرى قاتىستى.

شىڭ باسىنا "زاڭ جانە ءتارتىپ" جالاۋى تىگىلىپ، ەل ىشىندە زاڭنىڭ ۇستەمدىگىن بەينەلەيتىن سيمۆولعا اينالدى.

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ زاڭ مەن ءتارتىپ – ادىلەتتى مەملەكەتتىڭ نەگىزى ەكەنىن بىرنەشە رەت اتاپ ءوتتى. ونسىز ەكونوميكالىق دامۋ، ينۆەستيتسيا تارتۋ جانە حالىقتىڭ سەنىمى مۇمكىن ەمەس. ادىلەتتىلىك قوعامنىڭ قالىپتى جاعدايىنا اينالۋى ءتيىس، ال زاڭسىزدىق سيرەك قۇبىلىس بولۋى قاجەت. تەك وسىلاي عانا ءار ازامات ءوزىن قاۋىپسىز سەزىنەتىن زاماناۋي مەملەكەت قۇرۋعا بولادى.

جول باعىتى تۇيىقسۋ مەن مىنجىلقى شاتقالدارى، الپينگراد الاڭى جانە مانشۇك مامەتوۆا اتىنداعى اسۋ ارقىلى ءوتتى.

Abai.kz