بۇگىن اقتوبەدەگى «قازاق ەلىنە مىڭ العىس» ستەلاسى الاڭىندا جانە ونەر ورتالىعىنىڭ كونتسەرت زالىندا ىشكى ىستەر ورگاندارىنىڭ قۇرىلعانىنا 33 جىل تولۋىنا وراي سالتاناتتى شارا ءوتتى. مەرەكە اياسىندا اقتوبە وبلىسىنىڭ اكىمى اسحات شاحاروۆ ىشكى ىستەر قىزمەتكەرلەرىن كاسىبي مەرەكەمەن قۇتتىقتاپ، جاڭا قىزمەتتىك اۆتوكولىكتەر مەن پاتەرلەردىڭ كىلتتەرىن تابىستادى.

Cۋرەت: gov.kz سايتىنان الىندى.

سالتاناتتى ءراسىم كەزىندە ءسوز سويلەگەن ءوڭىر باسشىسى پرەزيدەنت قاسىم-جومارت توقاەۆتىڭ اۋىلداعى ۋچاسكەلىك ينسپەكتورلاردى باسپانامەن قامتىپ، ماتەريالدىق-تەحنيكالىق بازاسىن نىعايتۋ تۋرالى تاپسىرماسى باستى نازاردا ەكەنىن اتاپ ءوتتى. ول سونداي-اق، پوليتسيا قىزمەتىنىڭ قوعامداعى الار ورنىنا توقتالىپ، ءتارتىپ ساقشىلارىنىڭ كۇندەلىكتى قاۋىپ-قاتەرگە تولى ەڭبەگىنە جوعارى باعاسىن بەردى. «زاڭ جانە ءتارتىپ» قاعيداتى نەگىزىندە قىزمەت ەتەتىن پوليتسيانىڭ باستى مىندەتى – قوعامدا تۇراقتىلىقتى قامتاماسىز ەتۋ ەكەنىن العا تارتقان اسحات شاحاروۆ، بۇل سالاعا مەملەكەت تاراپىنان تۇراقتى قولداۋ كورسەتىلىپ جاتقانىن جەتكىزدى. بيىل 150 دانا «NIVA LEGEND» قىزمەتتىك اۆتوكولىگى ساتىپ الىنعان.

Cۋرەت: gov.kz سايتىنان الىندى.

«پوليتسيا قاتارىندا قىزمەت ەتۋ – ۇلكەن جاۋاپكەرشىلىك ءارى زور قۇرمەت. سىزدەر ەل تىنىشتىعى مەن ازاماتتاردىڭ قاۋىپسىزدىگى ءۇشىن ايانباي ەڭبەك ەتىپ كەلەسىزدەر. قوعامداعى تۇراقتىلىق پەن قۇقىقتىق ءتارتىپتى ساقتاۋ – سىزدەردىڭ قاجىرلى ەڭبەكتەرىڭىزدىڭ ناتيجەسى. وڭىرىمىزدە پوليتسيا قىزمەتىنىڭ تيىمدىلىگىن ارتتىرۋ ماقساتىندا ماتەريالدىق-تەحنيكالىق بازا نىعايتىلىپ، زاماناۋي اۆتوكولىكتەرمەن جانە ارنايى تەحنيكالىق قۇرالدارمەن قامتاماسىز ەتىلۋدە. بۇگىندە قۇقىققورعاۋ سالاسىنا بولىنەتىن قارجى كولەمى جىل سايىن ارتىپ كەلەدى. بولىنگەن قاراجات قىزمەتتىك اۆتوكولىكتەردى، قارۋ-جاراق پەن بايلانىس قۇرالدارىن ساتىپ الۋعا، سونداي-اق بەينەباقىلاۋ جۇيەلەرىن جاڭعىرتۋعا باعىتتالۋدا.  جۇيەلى جۇمىستار الداعى ۋاقىتتا دا جالعاسادى»، – دەدى اسحات شاحاروۆ.

Cۋرەت: gov.kz سايتىنان الىندى.

وبلىس اكىمى مەرەكەلىك شارادا 150 جاڭا اۆتوكولىكتىڭ كىلتىن، قىزمەت بارىسىندا كوزگە تۇسكەن پوليتسەيلەرگە 25 پاتەردىڭ سەرتيفيكاتىن سالتاناتتى تۇردە تابىستادى.

Cۋرەت: gov.kz سايتىنان الىندى.

سونىمەن قاتار، جيىندا سالا ارداگەرلەرىنە قۇرمەت كورسەتىلدى، ەرەكشە قىزمەتىمەن تانىلعان ءتارتىپ ساقشىلارى العىس حاتتارمەن ماراپاتتالدى.

مەرەكەلىك كەش اقتوبەلىك ونەرپازداردىڭ كونتسەرتتىك باعدارلاماسىمەن جالعاستى.

Abai.kz