ەل پرەزيدەنتى ماسۋد پەزەشكيان ءتيىستى زاڭعا قول قويعان. قۇجات ۇكىمەتكە اگەنتتىكپەن بارلىق ىنتىماقتاستىقتى تولىق ۇزۋگە مىندەتتەيدى. زاڭ جوباسى 25 ماۋسىم كۇنى قابىلدانعان. مەدجليس ازىرلەگەن بۇل باستامانى 221 دەپۋتات ءبىراۋىزدان قولداعان.

بۇدان بىلاي، ەندى اتوم ەنەرگياسى جونىندەگى حالىقارالىق اگەنتتىك قىزمەتكەرلەرىنە يران اۋماعىنا كىرۋگە تىيىم سالىنىپ، بارلىق تەكسەرۋ ءىس-شارالارىن جۇرگىزۋگە شەكتەۋ قويىلدى. اگەنتتىكتىڭ باس ديرەكتورى رافاەل گروسسي تىڭشى دەپ اتالىپ، ونىمەن دە بارلىق بايلانىستى ءۇزدى.

يران بيلىگى اقش پەن يزرايل تاراپىنان شابۋىل جاسالمايتىنىنا كەپىلدىك سۇراپ وتىر. سونداي-اق، ەلدىڭ بەيبىت يادرولىق ەنەرگيانى پايدالانۋ قۇقىعىنا قۇرمەت كورسەتۋىن تالاپ ەتۋدە. بۇل شارتتار ورىندالسا، قۇجات ءوز كۇشىن جويۋى مۇمكىن.

Abai.kz