"ۇستاز" ۇلتتىق پلاتفورماسى جاپپاي قولدانىسقا ەنگىزىلدى. ۇلتتىق پلاتفورما مۇعالىمدەردىڭ ونلاين اتتەستاتسيادان وتۋىنە مۇمكىندىك بەرەدى.

بۇگىندە مەكتەپكە دەيىنگى، جالپى ورتا، ارنايى، قوسىمشا، تەحنيكالىق جانە كاسىپتىك ءبىلىم بەرۋ ۇيىمدارىنان 640 مىڭنان استام پەداگوگ جەكە كابينەت اشىپ، تىركەلگەن. قازىردىڭ وزىندە 95 مىڭنان استام مۇعالىم كاسىبي دەڭگەيىن دالەلدەۋدە، ال 40 مىڭعا جۋىق پەداگوگتىڭ ءوتىنىشى بويىنشا شەشىم شىعارىلعان.

پلاتفورمانىڭ باستى ەرەكشەلىگى – باعالاۋ پروتسەسى ءادىل جانە اشىق جۇرگىزىلەدى. دەڭگەي تەك كوميسسيا ەمەس، اۆتوماتتاندىرىلعان جۇيە ارقىلى انىقتالادى.

مامانداردىڭ ايتۋىنشا، بۇل ءتاسىل ۇستازداردى بىلىكتىلىگىن ۇنەمى ارتتىرىپ وتىرۋعا ىنتالاندىرادى.