مەملەكەت باسشىسىنىڭ تاپسىرماسى اياسىندا سۋپەركومپيۋتەرمەن جي ەكوجۇيەسىن قۇرۋ: ولجاس بەكتەنوۆ تسيفرلاندىرۋ ماسەلەلەرى جونىندەگى كوميسسيانىڭ وتىرىسىن وتكىزدى.

پرەمەر-مينيستر ولجاس بەكتەنوۆ تسيفرلاندىرۋ ماسەلەلەرى جونىندەگى كوميسسيانىڭ وتىرىسىن وتكىزدى. وندا مەملەكەت باسشىسىنىڭ تاپسىرماسى بويىنشا ىسكە قوسىلعان سۋپەركومپيۋتەر نەگىزىندە جاساندى ينتەللەكت ەكوجۇيەسىن دامىتۋ باعىتتارى قارالدى. QazTech پلاتفورماسى بازاسىندا سالالار مەن مەملەكەتتىك ورگانداردىڭ جۇمىسىن ودان ءارى تسيفرلىق ترانسفورماتسيالاۋعا نازار اۋدارىلدى.

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ جي ينفراقۇرىلىمىن قۇرۋ تۋرالى باياندادى. ونىڭ ايتۋىنشا مەملەكەتتىك ورگانداردىڭ دەرەكتەردى وڭدەۋ ورتالىعى تاياۋدا ىسكە قوسىلعان سۋپەركومپيۋتەرگە كىرىكتىرىلدى.

قازاقستاندا ينستيتۋتسيونالدىق ورتانى قالىپتاستىرۋ ءۇشىن 2024-2029 جىلدارعا ارنالعان جي-ءدى دامىتۋ تۇجىرىمداماسى بەكىتىلدى، «جاساندى ينتەللەكت تۋرالى» زاڭ جوباسى ازىرلەندى.

جي سالاسىندا كادرلار دايارلاۋ ءۇشىن AI Corporate, TUMO Center, AI People جانە تاعى دا باسقا ءبىلىم بەرۋ باعدارلامالارى ىسكە اسىرىلادى. E-agent, egov AI, AI-تەراپەۆت، tax helper, SDU جانە E-اۋدارماشى سياقتى ازىرلەنىپ جاتقان تسيفرلىق شەشىمدەر تۋرالى مالىمەتتەر تىڭدالدى.

وتىرىس بارىسىندا سالالاردى تسيفرلىق ترانسفورماتسيالاۋ قارقىنى قارالدى. QazTech ۇلتتىق پلاتفورماسى تسيفرلىق ونىمدەردى جەدەل قۇرۋعا ارنالعان.

ءمينيستردىڭ ايتۋىنشا، تسيفرلاندىرۋدىڭ پلاتفورمالىق مودەلىن ەنگىزۋ جاڭا IT-شەشىمدەردى ىسكە قوسۋ مەرزىمىن 1,5-3 جىلدان 6 ايعا دەيىن قىسقارتۋعا مۇمكىندىك بەرەدى. پلاتفورما بىرىڭعاي ستاندارتتاردى، security by design قاعيداتى بويىنشا قاۋىپسىزدىكتى جانە بۇلتتى تەحنولوگيالاردى قولدانۋدى قامتاماسىز ەتەدى. QazTech سىناقتارى اقپاراتتىق قاۋىپسىزدىك تالاپتارىنا سايكەس اياقتالدى، تولىق ىسكە قوسۋ تامىز ايىنا جوسپارلانعان.

بۇگىنگى تاڭدا QazTech پلاتفورماسىندا مەملەكەتتىك ورگانداردىڭ بىرىڭعاي ينتەرنەت-پورتالى، Smart Bridge, ەكولوگيا جانە تابيعي رەسۋرستار مينيسترلىگىنە تيەسىلى قورشاعان ورتانىڭ ۇلتتىق مالىمەتتەر بازاسى جانە تاعى باسقالار جۇمىس ىستەيدى.

مەملەكەت باسشىسىنىڭ تاپسىرمالارى شەڭبەرىندە بارلىق مەملەكەتتىك ورگاندار ءبىر ۋاقىتتا وزىق حالىقارالىق تاجىريبەگە سۇيەنە وتىرىپ، سونىڭ ىشىندە سينگاپۋر تاجىريبەسىن قوسا العاندا، تسيفرلىق ترانسفورماتسيا كارتالارىن ازىرلەۋدە.

بۇل كارتالار جاساندى ينتەللەكت پەن زاماناۋي تەحنولوگيالاردى قولدانا وتىرىپ، نەگىزگى پروتسەستەردى جەڭىلدەتۋگە جانە جەدەلدەتۋگە باعىتتالعان. باستى نازار ەسكىرگەن پروتسەدۋرالاردى قايتا وڭدەۋگە، دەرەكتەردى تسيفرلاندىرۋعا، سونداي-اق، E-Otinish, 109 جانە الەۋمەتتىك جەلىلەر ارقىلى كەلىپ تۇسكەن ازاماتتاردىڭ سۇرانىستارىن قايتا وڭدەۋگە اۋدارىلعان. كارتالار شەڭبەرىندە نەگىزگى باسىمدىق ۇدەرىستەردىڭ رەينجينيرينگىنە جانە جاساندى ينتەللەكتتى قوسا العاندا، پەرسپەكتيۆالى تەحنولوگيالاردى ەنگىزۋگە بەرىلگەن.

پرەمەر-مينيستر ىسكە قوسىلعان سۋپەركومپيۋتەردى قوسا العاندا، قۇرىلىپ جاتقان جي ۇلتتىق ينفراقۇرىلىمى مەملەكەتتىك ورگانداردىڭ قىزمەتىنە جاساندى ينتەللەكت ەنگىزۋ جونىندەگى جۇمىستى جانداندىرا تۇسۋدە ۇلكەن مۇمكىندىكتەر بەرەتىنىنە نازار اۋداردى.

ولجاس بەكتەنوۆ ءبىر ايدىڭ ىشىندە تسيفرلىق ترانسفورماتسيا كارتالارىنا قاتىستى جۇمىستى اياقتاۋدى تاپسىردى. ولار جي-دى ينتەگراتسيالاۋعا نەگىزى بولماق، سونداي-اق بيزنەسكە دە مەملەكەتتىك دەرەكتەر بازاسىندا ءوز جوبالارىن جاساۋعا مۇمكىندىك بەرەدى.