"اقتوبە" كلۋبى 2025/26 جىلعى ماۋسىمداعى ەۋروپا ليگاسىنىڭ ءبىرىنشى ىرىكتەۋ كەزەڭىندەگى جورىعىن اياقتادى. قوس ماتچ قورىتىندىسى بويىنشا اقتوبەلىكتەر پولشالىق "لەگيا" كومانداسىنان جەڭىلدى.

ۆارشاۆادا وتكەن العاشقى كەزدەسۋدە "اقتوبە" 0:1 ەسەبىمەن ۇتىلسا، جاۋاپتى ويىن ءوز الاڭىندا ءدال وسىنداي ناتيجەمەن اياقتالدى. قوناقتارعا جەڭىس اكەلگەن جالعىز گولدى يۋرگەن ەليتيم 90+1 مينۋتتا سوقتى.

ايتا كەتەيىك، "اقتوبە" مەن "لەگيا" اراسىنداعى ماتچتان كەيىن جانجال ورىن الدى. قوناقتار ساپىنداعى جان-پەر نسامە جاراقاتتانىپ قالدى. ويىننان كەيىن پولشالىق كوماندا ءوز جانكۇيەرلەرىنە العىس ءبىلدىرۋ ءۇشىن سەكتورعا بارعان ساتتە، تريبۋنادان لاقتىرىلعان زات كامەرۋندىق شابۋىلشىعا تيگەن. نسامە الاڭعا قۇلاپ، كەيىن باسىنا مۇز قويىپ، الاڭنان كەتتى.

ەۋروپا ليگاسىنان شىعىپ قالعانىنا قاراماستان "اقتوبە" كومانداسى ەۋروكۋبوكتىق جولىن جالعاستىرادى. ەندى ولار كونفەرەنتسيا ليگاسىنىڭ ەكىنشى ىرىكتەۋ كەزەڭىندە وينايدى. قارسىلاس – چەحيانىڭ اتاقتى "سپارتا" كلۋبى. العاشقى ماتچ 24 شىلدەدە اقتوبەدە، قارىمتا ويىن 31 شىلدەدە پراگادا وتەدى.

Abai.kz