توكيو وليمپياداسىنىڭ قولا جۇلدەگەرى، قازاق بوكسىنىڭ جۇلدىزى ساكەن بيبوسىنوۆ كاسىپقوي رينگتەگى العاشقى جەكپە-جەگىندە ءوز شەبەرلىگىن پاش ەتتى. 28 جاستاعى بىلعارى قولعاپ شەبەرى بىشكەكتە وتكەن بوكس كەشىندە شارشى الاڭعا شىعىپ، قارسىلاسى - 23 جاستاعى فيليپپيندىك كريستيان لەگانەنى (6-2-3, 4 KO) ايقىن نوكاۋتپەن جەڭدى.

كاسىپقوي مانسابىنداعى بۇل تۇڭعىش ايقاس ەكىنشى جەڭىل سالماقتا 6 راۋندقا جوسپارلانعان بولاتىن. الايدا ساكەن كەزدەسۋدى سوزعان جوق. ونىڭ شاپشاڭدىعى مەن ءدال سوققىلارى قارسىلاسىن سۇلاتىپ تۇسىرۋگە جەتكىلىكتى بولدى.

ساكەن بيبوسىنوۆ رينگكە تەك تاجىريبە جيناۋعا ەمەس، جەڭىس ءۇشىن كەلگەنىن انىق اڭعارتتى. ونىڭ ءستيلى، تەحنيكاسى مەن مىقتى مىنەزى – الداعى ۋاقىتتا دا تالاي بەلەستى باعىندىرارى انىق.

Abai.kz