پاريجدە يزرايل مەن سيريا وكىلدەرى اراسىندا سوڭعى 25 جىلداعى العاشقى رەسمي كەلىسسوزدەر ءوتتى.

كەزدەسۋ اقش دەلدالدىعىمەن جانە پرەزيدەنت دونالد ترامپتىڭ ارنايى وكىلى توم بارراكتىڭ قاتىسۋىمەن ۇيىمداستىرىلعان. تاراپتار سيريا مەن يزرايل اراسىنداعى شيەلەنىستى باسەڭدەتۋ ماسەلەسىن تالقىلادى.

بۇگىن كەشكە مەن پاريجدە سيريالىقتارمەن جانە يزرايلدىكتەرمەن كەزدەستىم. ءبىزدىڭ ماقساتىمىز – ديالوگ پەن دەەسكالاتسيا، جانە ءبىز ءدال وسى باعىتتا جۇمىس ىستەدىك. بارلىق تاراپتار وسى كۇش-جىگەردى جالعاستىرۋعا دايىن ەكەندەرىن راستادى، – دەپ جازدى بارراك X (بۇرىنعى Twitter) جەلىسىندە.

كەلىسسوزدەر سيريانىڭ سۋۆەيدا قالاسىنداعى شيەلەنىس پەن ءيزرايلدىڭ داماسك پەن دجابلاعا جاساعان اۋە سوققىلارىنان كەيىن وتكىزىلىپ وتىر. بۇل شابۋىلداردان 15 ادام كوز جۇمعانى حابارلانعان.

19 شىلدەدە اقش-تىڭ ارالاسۋىمەن تاراپتار اتىستى توقتاتۋ تۋرالى ۋاعدالاستىققا كەلگەن. بارراكتىڭ ايتۋىنشا، ۆاشينگتون ايماقتاعى درۋزدار، بەدۋيندەر جانە سۋننيتتەردى بىرىكتىرۋ ارقىلى "جاڭا ءبىرتۇتاس سيريالىق سايكەستىك" قالىپتاستىرۋدى كوزدەيدى.