ەندى تايلاند پەن كامبودجا ەلىنىڭ اراسىنان "قارا مىسىق" وتكەن سەكىلدى. 

قوس مەملەكەت قازىردىڭ وزىندە اراداعى بارلىق شەكارا بەكەتىن جاپقان.

ەكى تاراپ ءبىر-ءبىرىن ايىپتاۋدى باستاپ كەتتى. تايلاند اسكەري-اۋە كۇشتەرى كامبودجامەن شەكاراداعى ايماققا اۋەدەن سوققى جاساعان. ەلدىڭ سولتۇستىك-شىعىس وڭىرلىك قولباسشىلىعى F-16 ۇشاقتارى كامبودجانىڭ ەكى اسكەري بولىمشەسىن جويعانىن مالىمدەدى. بۇگىن شەكارادا تۇتانعان قاقتىعىستان 8 ادام اجال قۇشقانى حابارلاندى.

ال كامبودجا قورعانىس مينيسترلىگى تايلاندتى "حالىقارالىق قۇقىقتى بۇزدى" دەپ ايىپتاپ، پرەاح ۆيحەار عيباداتحاناسى ماڭىنا ەكى رەت بومبا تاستاعانىن راستاعان. تيىسىنشە، تايلاند كامبودجانىڭ سۋرين پروۆينتسياسىنداعى تۇرعىن ءۇي سەكتورىنا ەكى BM-21 زىمىرانىن تاستاعانىن العا تارتتى.

سوڭعى 10 جىلدىقتا تايلاند پەن كامبودجا اراسىنداعى قارىم-قاتىناس شيەلەنىسە ءتۇستى. ەكى ەل قۇرلىقتا 800 شاقىرىمدا شەكارالاسادى. وندا ءالسىن-ءالسىن اسكەري قاقتىعىس تىركەلىپ تۇرادى.
ءبىر عانا مىسال، 2011 جىلى ەكى ەل اسكەرى اراسىندا XI عاسىرداعى پرەاح ۆيحەار عيباداتحاناسى جانىندا ۇلكەن قاقتىعىس بولىپ، 20 ادام قازا تاپقان ەدى. ءارى وسى جاعدايدان سوڭ مىڭداعان ادامنىڭ بوسىپ كەتكەنى جايلى اقپارات تارادى.

Abai.kz