ءىىم دەربەس دەرەكتەردى قورعاۋعا جانە قارجى قىزمەتى سالاسىنداعى قاۋىپسىزدىكتى ارتتىرۋعا باعىتتالعان قازاقستان رەسپۋبليكاسىنىڭ قىلمىستىق زاڭناماسىندا ماڭىزدى وزگەرىستەر ەنگىزىلگەنىن ەسكەرتتى. 

ۆەدومستۆونىڭ حابارلاۋىنشا، قىلمىستىق كودەكستىڭ جاڭا 232-1 بابىندا ءوزىنىڭ بانكتىك دەرەكتەمەلەرىن ءۇشىنشى تۇلعالارعا بەرگەنى ءۇشىن، سونداي-اق ماتەريالدىق سىياقى نەمەسە مۇلىكتىك سيپاتتاعى پايدا ءۇشىن نەمەسە ولاردى الۋ ماقساتىندا ءۇشىنشى تۇلعانىڭ مۇددەسى ءۇشىن يا بولماسا پايدانى كوزدەپ، تولەمدەر نەمەسە اقشا اۋدارىمدارىن جۇزەگە اسىرعانى ءۇشىن قىلمىستىق جاۋاپتىلىق ەنگىزىلدى.

— الاياقتار بەرىلگەن دەرەكتەردى قىلمىستىق كىرىستەردى قولما-قول اقشاعا اينالدىرۋ نەمەسە باسقا ازاماتتاردى الداۋ ءۇشىن پايدالانادى. كوپ جاعدايدا زارداپ شەككەندەر وزدەرىنىڭ قىلمىسقا قاتىسۋشى ەكەنىن تۇسىنبەيدى، — دەلىنگەن حابارلامادا.
قۇزىورلى ورگان جەكە جانە بانكتىك دەرەكتەر جاي عانا اقپارات ەمەس، بۇل تۇتىنۋشىلاردىڭ مۇلكى، قاۋىپسىزدىزدىك پەن زاڭ الدىنداعى جاۋاپكەرشىلىك ەكەنىن ەسكەرتتى.

ءىىم كەلەسى نۇسقاۋلىقتاردى ۇسىندى:

-ەشقاشان بانكتىك دەرەكتەرىن ءۇشىنشى تۇلعاعا بەرمەڭىز;

-كارتاڭىزدى نەمەسە شوتىڭىزدى بەرۋ ارقىلى «وڭاي اقشا تابۋعا» كەلىسپەڭىز;

-كۇدىك تۋىنداعان جاعدايدا بانككە نەمەسە قۇقىق قورعاۋ ورگاندارىنا حابارلاسىڭىز.

Abai.kz