عالىمدار ادامنىڭ قارتايۋى كۇرت جەدەلدەيتىن كەزەڭدى انىقتادى.

ادام دەنەسىنىڭ قارتايۋى بىركەلكى جۇرمەيدى. شامامەن 50 جاسقا كەلگەندە، اعزانىڭ توزۋ ۇدەرىستەرى قارقىندى جۇرە باستايتىن بەتبۇرىس كەزەڭى باستالادى. بۇل تۋرالى قىتاي عىلىم اكادەمياسىنىڭ عالىمدارى جۇرگىزگەن زەرتتەۋدە ايتىلعان.

عالىمدار 14 پەن 68 جاس ارالىعىنداعى 76 ادامنىڭ اعزاسىنداعى سەگىز ءتۇرلى جۇيەنى زەرتتەگەن.

ولار 45 پەن 55 جاس ارالىعىندا ايقىن بيولوگيالىق وزگەرىستەردىڭ بولاتىنىن انىقتاعان.

قارتايۋ الدىمەن جۇرەك پەن قان تامىرلارىن، سونىڭ ىشىندە اعزاعا قان تاراتاتىن ەڭ نەگىزگى تامىر – اورتانى السىرەتەتىنى بايقالعان.

زەرتتەۋ اۆتورلارى قارتايۋ بىرتىندەپ ەمەس، تولقىن ءتارىزدى – كەنەت وزگەرىستەر كەزەڭىمەن جۇرەتىن ۇدەرىس دەگەن قورىتىندىعا كەلگەن.

ولاردىڭ پىكىرىنشە، قان تامىرلارى اعزا بويىنشا قارتايۋ ۇدەرىستەرىن ىسكە قوساتىن زاتتاردىڭ تارالۋىندا ماڭىزدى ءرول اتقارۋى مۇمكىن.

عالىمدار بولاشاقتا وسىنداي "بيولوگيالىق وزگەرىس نۇكتەلەرىن" تەرەڭىرەك زەرتتەۋ ادام اعزاسىنىڭ جاسقا بايلانىستى توزۋ مەحانيزمدەرىن جاقسىراق تۇسىنۋگە جانە ونى باياۋلاتۋ جولدارىن تابۋعا كومەكتەسەدى دەپ ۇمىتتەنەدى.

Abai.kz