ىشكى ىستەر مينيسترلىگى تانىمال ينتەرنەت-رەسۋرستاردا قوناقۇي نومىرلەرى مەن پاتەرلەردى برونداۋ كەزىندە جاسالاتىن الاياقتىق تۋرالى قۇلاعدار ەتتى.

"پاتەرلەردى ينتەرنەت ارقىلى برونداۋ كەزىندە پايدالانۋشىلارعا بانك كارتاسىنىڭ دەرەكتەرىن سۇراتاتىن حابارلامالار كەلەدى. الايدا بۇل دەرەكتەر جەكە كابينەتتە بار جانە قايتا ەنگىزۋدى تالاپ ەتپەيدى", – دەپ جازدى ۆەدومستۆودان.

وسىعان بايلانىستى ءىىم ازاماتتاردى باسقا قالاعا نەمەسە ەلگە دەمالىسقا، سونداي-اق ىسساپارعا شىققاندا اسا مۇقيات بولۋعا شاقىرادى.

الاياقتارعا الدانباس ءۇشىن مىناداي شارالاردى ۇستانۋ قاجەت:

· سايتتىڭ مەكەنجايىن تەكسەرىڭىز: فيشينگتىك سايتتاردا دومەن اتاۋىندا ۇساق وزگەرىستەر بولۋى مۇمكىن (مىسالى، ءبىر ءارىپتىڭ قوسىلۋى نەمەسە سوڭعى جاعىنداعى وزگەرىستەر;

· بانك كارتاڭىزدىڭ دەرەكتەرىن پاتەر يەسىمەن چاتتا بولىسپەڭىز;

· تىم تومەن باعاداعى ۇسىنىستارعا كۇمانمەن قاراڭىز — بۇل الداۋدىڭ بەلگىسى بولۋى مۇمكىن; · پاتەردى نەمەسە قوناقۇي ءنومىرىن جالداماس بۇرىن پىكىرلەردى وقىپ شىعىڭىز، ولاردىڭ جاريالانعان ۋاقىتىن جانە جارنامانىڭ سايتتا قانشا ۋاقىتتان بەرى تۇرعانىن تەكسەرىڭىز، بىرنەشە جىلدان بەرى جارنامالانىپ كەلە جاتقان پاتەرلەر — سەنىمدىلىكتىڭ ءبىر بەلگىسى;

· پاتەر يەسى تولىق الدىن الا تولەم جاساۋدى تالاپ ەتكەن جاعدايدا اباي بولىڭىز، قوناقۇي ءنومىرى مەن پاتەرگە تولەمدى تەك سول جەرگە بارىپ، ولاردىڭ بار ەكەنىنە كوز جەتكىزگەننەن كەيىن جاساڭىز;

· كۇدىكتى حابارلامالاردان ساق بولىڭىز: مەسسەندجەرلەردە، ەلەكتروندىق پوشتادا نەمەسە الەۋمەتتىك جەلىلەردە جىبەرىلگەن سىلتەمەلەر جالعان سايتتارعا اپارۋى مۇمكىن;

· پاتەردى نەمەسە قوناقۇي ءنومىرىن تەك تانىمال جانە سەنىمدى پلاتفورمالاردان برونداڭىز: ەگەر سايت كۇمان تۋدىرسا، تاۋەكەلگە بارماعان دۇرىس.

Abai.kz