ەكونوميست الماس چۋكيننىڭ سوزىنشە، اي-92 ماركالى بەنزين باعاسى كورشىلەس قىرعىزستان مەن وزبەكستان دەڭگەيىنە دەيىن ءوسۋى مۇمكىن. بۇل تۋرالى Digital Business جازادى. قازىرگى تاڭدا بۇل ەلدەردە اي-92 بەنزينىنىڭ ءليترى تيىسىنشە شامامەن 396 جانە 482 تەڭگە تۇرادى.

ساراپشىنىڭ ايتۋىنشا، قازاقستان ءۇشىن رەسەي نارىعى باعا بويىنشا باعدار بولا المايدى. سەبەبى رەسەيدە جانارماي نارىعى مەملەكەت تاراپىنان سۋبسيديالانادى.

– ول جاقتا مەملەكەت بەنزين وندىرۋشىلەرگە قوسىمشا تولەم جاسايدى. بىرنەشە جىل بۇرىن ولار سالىق مانەۆرىن جۇرگىزىپ، باعا بەلگىلەۋدى الەمدىك دەڭگەيگە باعىتتادى. ال ىشكى نارىقتى سۋبسيديالاۋ جاسىرىن تۇردە جۇزەگە اسىرىلادى. سوندىقتان رەسەيدەگى جانارماي باعاسى وبەكتيۆتى كورسەتكىش ەمەس جانە قازاقستان ءۇشىن باعىت الاتىن باعدار بولا المايدى. رەسەيدەگى جانارماي باعاسىنا مۇناي وڭدەۋ زاۋىتتارى الاتىن سۋبسيديانى قوسۋ كەرەك. ەگەر تازا نارىقتىق باعامەن ەسەپتەسەك، قازاقستاندا باعا رەسەيدەن جوعارى بولۋى ءتيىس، – دەيدى الماس چۇكىن.