قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن 3–13 تامىز ارالىعىندا شىعىس قازاقستان وبلىسىندا عازيز بايتاسوۆ اتىنداعى جاس جول ينسپەكتورلارىنىڭ رەسپۋبليكالىق 20-شى مەرەيتويلىق سلەتى باستاۋ الدى.

اۋقىمدى ءىس-شاراعا ەلىمىزدىڭ بارلىق 20 وڭىرىنەن، سونداي-اق تمد ەلدەرىنەن كەلگەن كوماندالار قاتىسادى. جالپى سانى 140-تان استام بالا جينالدى.

اتالعان شاراعا قاتىسۋشى وڭىرلەر:
🔹 استانا، الماتى، شىمكەنت قالالارى
🔹اقتوبە، قاراعاندى، الماتى، وبلىسى، جامبىل، قىزىلوردا، ماڭعىستاۋ، تۇركىستان، جەتىسۋ، ۇلىتاۋ، اتىراۋ، پاۆلودار، اقمولا، قوستاناي، اباي وبلىستارى مەن سولتۇستىك قازاقستان، باتىس قازاقستان جانە شىعىس قازاقستان وبلىستارى.

سلەتكە قاتىسۋشى بالالاردىڭ قاۋىپسىزدىگىن قامتاماسىز ەتۋ ماقساتىندا شىعىس قازاقستان وبلىسىنىڭ پوليتسيا دەپارتامەنتى ءار وڭىردەن كەلگەن كوماندالاردى كۇتىپ الىپ، «دارىن» لاگەرىنە دەيىن قاۋىپسىز جەتكىزۋدى قامتاماسىز ەتتى.

Abai.kz