ءماسىموۆتىڭ ۇكىمەتى دۇنيەگە دابىرا قىلىپ، جارناماسىن جاساپ باققان جوبالاردىڭ تاعى ءبىرىنىڭ توڭقالاڭ اساتىن ءتۇر بار. ايماقتاردىڭ ەكونوميكالىق دامۋىنا سەرپىن بەرەدى دەلىنگەن الەۋمەتتىك-كاسىپكەرلىك كورپوراتسيالار (اكك) مەملەكەتكە پايدا ەمەس، زالال كەلتىرۋدە.

رەسپۋبليكالىق بيۋدجەتتىڭ ورىندالۋ بارىسىن باقىلايتى ەسەپ كوميتەتىنىڭ ءباسپاسوز قىزمەتى تاراتقان ءباسپاسوز-بايانىنا سۇيەنسەك، 2007-2008 جىلدارى «سارىارقا»، «ەرتىc»، «توبىل»، «باتىس»، «كاسپي»، «جەتiسۋ» جانە «وڭتۇستىك» الەۋمەتتىك-كاسىپكەرلىك كورپوراتسيالارى 6,3 ملرد. ورىنسىز جۇمساپ زاڭ بۇزىپتى...

... 2007-2008 جىلدارى اكك ءوز قىزمەتىن ءتيىستى ورتا مەرزىمدى دامۋ جوسپارىنسىز جۇزەگە اسىردى. 2007-2008 جىلداردىڭ جيناقتالعان قارجى ەسەپتىلىگى بەكىتىلمەگەن، قارجى-شارۋاشىلىق قىزمەتتىڭ قورىتىندىسى بويىنشا تازا پايدانى ءبولۋ جانە اكتسيالاردىڭ مەملەكەتتىك پاكەتتەرىنە ديۆيدەندتەر ەسەپتەۋ جۇرگىزىلمەگەن. ديۆيدەندتىك ساياسات تۋرالى ەرەجە ءالى كۇنگە دەيىن بەكىتىلمەگەن...

... جۇمىس ىستەپ تۇرعان جەتى اكك-ءنىڭ تورتەۋى 2007-2008 جىلدارداعى قارجى-شارۋاشىلىق قىزمەتتىڭ قورىتىندىسى بويىنشا، جالپى العاندا، 1,4 ملرد. تەڭگە، ونىڭ ىشىندە، «جەتiسۋ» اكك - 483,9 ملن. تەڭگە، «كاسپي» اكك - 462,1 ملن. تەڭگە، «توبىل» اكك - 269,0 ملن. تەڭگە  جانە «باتىس» اكك - 203,8 ملن. تەڭگە زالالعا ۇشىرادى...

ءماسىموۆتىڭ ۇكىمەتى دۇنيەگە دابىرا قىلىپ، جارناماسىن جاساپ باققان جوبالاردىڭ تاعى ءبىرىنىڭ توڭقالاڭ اساتىن ءتۇر بار. ايماقتاردىڭ ەكونوميكالىق دامۋىنا سەرپىن بەرەدى دەلىنگەن الەۋمەتتىك-كاسىپكەرلىك كورپوراتسيالار (اكك) مەملەكەتكە پايدا ەمەس، زالال كەلتىرۋدە.

رەسپۋبليكالىق بيۋدجەتتىڭ ورىندالۋ بارىسىن باقىلايتى ەسەپ كوميتەتىنىڭ ءباسپاسوز قىزمەتى تاراتقان ءباسپاسوز-بايانىنا سۇيەنسەك، 2007-2008 جىلدارى «سارىارقا»، «ەرتىc»، «توبىل»، «باتىس»، «كاسپي»، «جەتiسۋ» جانە «وڭتۇستىك» الەۋمەتتىك-كاسىپكەرلىك كورپوراتسيالارى 6,3 ملرد. ورىنسىز جۇمساپ زاڭ بۇزىپتى...

... 2007-2008 جىلدارى اكك ءوز قىزمەتىن ءتيىستى ورتا مەرزىمدى دامۋ جوسپارىنسىز جۇزەگە اسىردى. 2007-2008 جىلداردىڭ جيناقتالعان قارجى ەسەپتىلىگى بەكىتىلمەگەن، قارجى-شارۋاشىلىق قىزمەتتىڭ قورىتىندىسى بويىنشا تازا پايدانى ءبولۋ جانە اكتسيالاردىڭ مەملەكەتتىك پاكەتتەرىنە ديۆيدەندتەر ەسەپتەۋ جۇرگىزىلمەگەن. ديۆيدەندتىك ساياسات تۋرالى ەرەجە ءالى كۇنگە دەيىن بەكىتىلمەگەن...

... جۇمىس ىستەپ تۇرعان جەتى اكك-ءنىڭ تورتەۋى 2007-2008 جىلدارداعى قارجى-شارۋاشىلىق قىزمەتتىڭ قورىتىندىسى بويىنشا، جالپى العاندا، 1,4 ملرد. تەڭگە، ونىڭ ىشىندە، «جەتiسۋ» اكك - 483,9 ملن. تەڭگە، «كاسپي» اكك - 462,1 ملن. تەڭگە، «توبىل» اكك - 269,0 ملن. تەڭگە  جانە «باتىس» اكك - 203,8 ملن. تەڭگە زالالعا ۇشىرادى...

... شىعىس قازاقستان وبلىسىنىڭ كۋرچاتوۆ قالاسىنا كوشىپ كەلگەن 200 ورالمان وتباسىن «نۇرلى كوش» باعدارلاماسى بويىنشا تۇرعىن ۇيمەن قامتاماسىز ەتۋگە «ەرتىس» اكك-گە رەسپۋبليكالىق بيۋدجەتتەن 968,3 ملن. تەڭگە بولىنگەن، الايدا جاڭا مەكەنگە كوشۋگە نيەت بىلدىرۋشىلەردىڭ بولماۋىنا بايلانىستى اتالعان قاراجات يگەرىلمەي قالعان....

سۇراق وزدىگىنەن تۋىندايدى. بۇل جوبانى جاساعان ۇكىمەتتەگى توپ-مەنەدجەرلەر اي قاراعان با سوندا؟ قارجى پوليتسياسى قايدا؟ داعدارىس بولسا مىناۋ قىلعىندىرىپ قىسىپ تۇرعان. ىلىككە سەپ بولادى دەگەن كورپوراتسيالار باسشىلارىنىڭ بىلىكسىزدىگىنەن شىعىنعا باتىپ جاتىر. سويتە تۇرا قارپىپ قالۋ ءۇشىن جالاقىلارىن جوعارىلاتۋدى ۇمىتپاعان. 2007 جىلمەن سالىستىرعاندا 2008 جىلى جالاقىعا جۇمسالعان قاراجات 6 پايىزعا ءوسىپ 1,1 ملرد. تەڭگەگە جەتكەن.

وتە وكىنشتى. مينيسترلەر كابينەتى مىندەتىن مۇلتىكسىز اتقارا الماي كەلەدى. تالاي يگى يدەيا قولعا الىنعانىمەن تالايسىز بولدى. بىتپەي قالعان باستاما، اياقسىز قالعان اڭگىمە كوپ. تەك وسى جەلگە ۇشقان قارجىنىڭ قازاق ەلىنىڭ ءناپاھاسى ەكەنىن ەستەن شىعارىپ الاتىندارى جامان. اكك-لاردىڭ الەۋەتىنە يەك ارتامىز دەسكەن باعبان مەن شارۋانىڭ، شاعىن جانە ورتا بيزنەس وكىلدەرىنىڭ، ەلىم دەپ ەلەڭدەپ وتىرعان ورالمانداردىڭ ۇكىلى ءۇمىتىن ۇكىمەت اقتاي الماۋدا.

«اباي-اقپارات»