پەتروپاۆل. 9 قازان. قازتاگ– پەتروپاۆل مەملەكەتتىك مەكەمەلەرىندەگى جەمقورلىقپەن كۇرەستى زاڭگەرلەر مەن بۋحگالتەرلەردىڭ كاسىبي دايىندىعىنىڭ تومەندىگى تەجەپ وتىر. بۇل تۋرالى بەيسەنبى كۇنى قالالىق اكىمدىكتىڭ وتىرىسىندا قالا اكىمى نۇرجان اشىمبەتوۆ ءمالىم ەتتى.

اكىمدىكتىڭ زاڭ ءبولىمىنىڭ باستىعى الما قۇداباەۆانىڭ سولتۇتىك قازاقستان وبلىسىندا جەمقورلىقپەن كۇرەستىڭ 2009-2010 جىلدارعا ارنالعان ايماقتىق باعدارلاماسىنىڭ ىسكە اسىرىلۋى تۋرالى بايانداماسىن تىڭداعان سوڭ قالا اكىمى وسىنداي پىكىرگە كەلدى.

جىل باسىنان بەرى قالا اكىمدىگىنە پروكۋراتۋرادان جەمقورلىققا قارسى زاڭنامانىڭ بۇزىلعانىنا بايلانىستى 30 شاعىم مەن 8 قارسى شاعىم ءتۇستى، دەدى ا. قۇداباەۆا. 2008 جىلى اتالعان ارالىقتا 44 شاعىم مەن 29 قارسى شاعىم تۇسكەن.

بىرنەشە ءبولىمنىڭ باستىقتارى تارتىپتىك جاۋاپكەرشىلىككە تارتىلدى. مادەنيەت پەن تىلدەردى دامىتۋ باستىعىنىڭ ۇستىنەن پارا الۋ فاكتىسىمەن قىلمىستىق ءىس اشىلدى.

«اكىمدىكتىڭ كوپتەگەن مەكەمەلەرىندە زاڭگەرلىك قىزمەتتىڭ جوقتىعى قۇقىقتىق-نورماتيۆتىك اكتىلەردى دايىنداۋدا جانە قابىلدانعان شەشىمدەردىڭ زاڭنامالىق نورمالارعا سايكەستىگىنە تەرىس اسەر ەتىپ وتىر»، - دەدى ا. قۇداباەۆا.

پەتروپاۆل. 9 قازان. قازتاگ– پەتروپاۆل مەملەكەتتىك مەكەمەلەرىندەگى جەمقورلىقپەن كۇرەستى زاڭگەرلەر مەن بۋحگالتەرلەردىڭ كاسىبي دايىندىعىنىڭ تومەندىگى تەجەپ وتىر. بۇل تۋرالى بەيسەنبى كۇنى قالالىق اكىمدىكتىڭ وتىرىسىندا قالا اكىمى نۇرجان اشىمبەتوۆ ءمالىم ەتتى.

اكىمدىكتىڭ زاڭ ءبولىمىنىڭ باستىعى الما قۇداباەۆانىڭ سولتۇتىك قازاقستان وبلىسىندا جەمقورلىقپەن كۇرەستىڭ 2009-2010 جىلدارعا ارنالعان ايماقتىق باعدارلاماسىنىڭ ىسكە اسىرىلۋى تۋرالى بايانداماسىن تىڭداعان سوڭ قالا اكىمى وسىنداي پىكىرگە كەلدى.

جىل باسىنان بەرى قالا اكىمدىگىنە پروكۋراتۋرادان جەمقورلىققا قارسى زاڭنامانىڭ بۇزىلعانىنا بايلانىستى 30 شاعىم مەن 8 قارسى شاعىم ءتۇستى، دەدى ا. قۇداباەۆا. 2008 جىلى اتالعان ارالىقتا 44 شاعىم مەن 29 قارسى شاعىم تۇسكەن.

بىرنەشە ءبولىمنىڭ باستىقتارى تارتىپتىك جاۋاپكەرشىلىككە تارتىلدى. مادەنيەت پەن تىلدەردى دامىتۋ باستىعىنىڭ ۇستىنەن پارا الۋ فاكتىسىمەن قىلمىستىق ءىس اشىلدى.

«اكىمدىكتىڭ كوپتەگەن مەكەمەلەرىندە زاڭگەرلىك قىزمەتتىڭ جوقتىعى قۇقىقتىق-نورماتيۆتىك اكتىلەردى دايىنداۋدا جانە قابىلدانعان شەشىمدەردىڭ زاڭنامالىق نورمالارعا سايكەستىگىنە تەرىس اسەر ەتىپ وتىر»، - دەدى ا. قۇداباەۆا.

زاڭ ءبولىمى باستىعىنىڭ ايتۋىنشا، «بۇگىنگى كۇنى ىشكى ساياسات، مادەنيەت پەن تىلدەردى دامىتۋ، ەكونوميكا مەن بيۋدجەتتىك جوسپارلاۋ، كاسىپكەرلىك پەن ونەركاسىپ، دەنە شىنىقتىرۋ مەن سپورت بولىمدەرىندە زاڭگەرلىك قىزمەت تۇرماق زاڭگەرلەر دە جوق». بىرنەشە بولىمدەر بىلىكتى ماماندار مەن زاڭگەرلەر جەتىسپەيدى.

قالالىق اكىمدىكتىڭ جەمقورلىققا قارسى زاڭنامانى ورىنداۋ جۇمىسىن ا. قۇداباەۆا «جەتكىلىكسىز» دەپ باعالاي وتىرىپ، قاجەت شارالار رەتىندە مەملەكەتتىك مەكەمەلەردى بىلىكتى زاڭگەرلەرمەن تولىقتىرۋدى ۇسىندى.

پەتروپاۆل اكىمى نۇرجان اشىمبەتوۆ بۋحگالتەرلەر دايىندىعىنىڭ ناشارلىعىنا نازار اۋداردى.

«بيۋدجەت قاراجاتىن يگەرۋدەگى بۇزۋشىلىقتار ەڭ الدىمەن بۋحگالتەرلەر بىلىكتىلىگىنىڭ جەتكىلىكسىزدىگىن كورسەتەدى»، - دەدى ن. اشىمبەتوۆ.

ول وسىنداي بۇزۋشىلىقتارعا تالداما جاساپ، قاجەت بولسا بۋحگالتەرلەردى قايتا دايىندىقتان وتكىزۋدى ۇيىمداستىرۋدى ۇسىندى.

«ارينە، كەيدە ادامداردىڭ قىزمەت بابىن پايدالانىپ، پايدا كورگىسى كەلەتىن فاكتىلەرگە دە كوز جۇمىپ قاراۋعا بولمايدى، - دەدى پەتروپاۆل اكىمى. – بۇل، ءسوزسىز ، ەڭ اۋىر قۇقىق بۇزۋشىلىق».