فۋتبولدان الماتىنىڭ "قايرات" كومانداسى ەۋروپا چەمپيوندار ليگاسىنىڭ نەگىزگى كەزەڭىنە شىقتى. ىرىكتەۋ كەزەڭىنىڭ پلەي-وفف كەزەڭىندە "قايرات" شوتلانديانىڭ "سەلتيك" كومانداسىن پەنالتي سەرياسى ارقىلى جەڭدى.

ەكى ماتچتا دا قوس كوماندا 0:0 ەسەبىمەن تەڭ ءتۇستى. ال پەنالتي سەرياسىندا "قايرات" قاقپاشىسى تەمىرلان اناربەكوۆ قاقپاسىن گولدان ءۇش رەت ساقتاپ قالدى. وسىلايشا الماتىنىڭ "قايراتى" چەمپيوندار ليگاسىنىڭ نەگىزگى كەزەڭىنە جولداما الدى.

"قايرات" قازاقستاننىڭ فۋتبول تاريحىندا چەمپيوندار ليگاسىنىڭ توپتىق كەزەڭىنە شىققان ەكىنشى كلۋب اتاندى. 2015 جىلى "استانا" كلۋبى چەمپيوندار ليگاسىنىڭ توپتىق كەزەڭىندە ويناعان ەدى.

kazfootball.kz سايتىنىڭ دەرەگىنشە، "قايرات" فۋتبول كلۋبىنا دۋبايدا تىركەلگەن Globex Energy FZE ارقىلى كاسىپكەر قايرات بورانباەۆ (70%) جانە الماتى تۇرعىنى ايجان كالداربەكوۆا يەلىك ەتەدى. 2015 جىلدان بەرى "قايرات فۋتبول كلۋبى" جشس 8,419 ملرد تەڭگە سالىق تولەگەن.

بۇرىنعى پرەزيدەنتتىڭ ۇلكەن قىزى داريعا نازارباەۆانىڭ بۇرىنعى قۇداسى قايرات بورانباەۆ 2023 جىلى ناۋرىزدا ء"ىرى كولەمدە بوتەننىڭ مۇلكىن يەمدەندى", "قىلمىستىق جولمەن الىنعان اقشانى جىمقىردى" دەپ تانىلىپ، 8 جىلعا سوتتاعان ەدى. تۇرمەدە وتىرعان كەزدە "قايرات" كلۋبى بورانباەۆتىڭ يەلىگىندە قالا بەرەتىنى حابارلانعان. سول جىلدىڭ سوڭىندا بورانباەۆ قاماۋدان بوساپ شىققان. ول بىلتىر قازاقستان ۇلتتىق پاراليمپيادا كوميتەتىنىڭ پرەزيدەنتى قىزمەتىنە قايتا سايلانعان.

جارىس الدىندا قايرات بورانباەۆ ويىنشىلارعا: "ولاردىڭ قولىندا - تاريح، ءبىزدىڭ قولىمىزدا - بولاشاق بار" دەپ جىگەر بەرگەن ەكەن.

Abai.kz