«بولاشاق» باعدارلاماسىمەن نيۋ يورك فيلم اكادەمياسىندا ءبىلىم الىپ كەلگەن كينوگەر سانات شاپاشەۆ «باقىت قۇشاعىندا» اتتى قازاق كينوسى تاريحىنداعى تۇڭعىش jukebox ميۋزيكلدىڭ ترەيلەرىن ۇسىنا وتىرىپ، وسىلاي دەدى.

گولليۆۋدتان ارنايى الىنعان كامەرامەن تولىقتاي استانادا ءتۇسىرىلىپ شىققان تۋىندىنى كورەرمەن كۇتىپ جۇرگەنگە ۇقسايدى.

رەجيسسەر ءارى كينوپروديۋسەر «نيۋ يورك فيلم اكادەميادا وقىپ جۇرگەندە ءدال وسى ميسسيا مەنى ۇنەمى جىگەرلەندىرەتىن. سوندىقتان، تۇڭعىش قازاقشا دجۋبوكس ميۋزيكلدىڭ ستسەناريى سوندا جۇرگەندە دايىن بولدى»،- دەيدى.  فيلم ۇرپاقتار اۋىسىمىندا، زامان تۇرلەنىسىنە قاراماستان قازاق قوعامىن بىرىكتىرۋشى ءىرى رۋحاني قۇندىلىق – ءشامشى قالداياقوۆتىڭ اندەرى نەگىزىندە كينو دايىندالعانىن ايتتى. دجۋبوكس ميۋزيكل ءۇشىن ۆالس كورولىنىڭ 12 ءانى سيمفونيالىق وركەسترمەن جازىلىپ، كينو ارقىلى كورەرمەنگە ۇسىنىلادى دەيدى.

«كينو ارقىلى وتباسى بەرىكتىگى، اناعا قۇرمەت، شىن ماحاببات، ەردىڭ مىقتىلىعى، ايەلدىڭ ءوسىمى دەگەن ءبىز ءۇشىن ماڭىزدى، وزەكتى تاقىرىپتاردى ستسەناريگە نەگىز قىلىپ الدىم.فيلم بارشا قازاقتى ءشامشى قالداياقوۆتىڭ ارنايى سيمفونيالىق وركەسترمەن جازىلعان اندەرىمەن ەرەكشە اسەرلەندىرمەك.ۆالس كورولىنىڭ اندەرى بارلىعىمىزدى بىرىكتىرۋشى كۇشكە يە» - دەيدى كينوگەر.

ايتا كەتەيىك، باستى رولدە داۋرەن سەرعازين مەن ءاليا انۋاربەك تۇسەتىن «باقىت قۇشاعىندا» دجۋبوكس ميۋزيكل فيلمىندە ءبىر ەپيزودتا 230 اكتەر بيلەيتىن ءىرى ماسسالىق كادرلار بار. فيلم 23 قازان، قازاقتىڭ ۇلى كومپوزيتورى ءشامشى قالداياقوۆتىڭ 95 جىلدىعىنا وراي ۇلكەن ەكرانعا جول تارتپاق.

Abai.kz