2025 جىلعى قاڭتار–تامىز قورىتىندىسى بويىنشا قازاقستاندا اگرارلىق ءوندىرىستىڭ تۇراقتى ءوسىمى بايقالدى. اۋىل شارۋاشىلىعىنىڭ جالپى ءونىم كولەمى 3,4%-عا ارتىپ، 3,6 ترلن تەڭگەنى قۇرادى.

ءوسىم مال شارۋاشىلىعى ءوندىرىسىنىڭ 3,2%-عا (2 262,3 ملرد تەڭگە), وسىمدىك شارۋاشىلىعىنىڭ 4%-عا (1 254,1 ملرد تەڭگە) ۇلعايۋى ەسەبىنەن قامتاماسىز ەتىلدى.

8 ايدا 696,2 مىڭ توننا ەت (تىرىدەي سالماقتا، +1,9%), 2 625,2 مىڭ توننا ءسۇت (+6%) جانە 3 011,7 ملن دانا تاۋىق جۇمىرتقاسى (+1,2%) ءوندىرىلدى.
مال باسى: ءىرى قارا – 8,6 ملن (+0,2%), جىلقى – 4,5 ملن (+6,3%), تۇيە – 299,8 مىڭ (+4%), قۇس – 46,9 ملن (+2,8%).

اۋىل شارۋاشىلىعى ونىمدەرىن قايتا وڭدەۋدە دە ايتارلىقتاي ءوسىم تىركەلدى: قانت – +24% (99,2-دەن 122,8 مىڭ تونناعا دەيىن), ەت كونسەرۆىلەرى – +29,7% (4,5-تەن 5,8 مىڭ تونناعا دەيىن), وسىمدىك مايى – +27% (468,5-تەن 595,0 مىڭ تونناعا دەيىن), شۇجىق ونىمدەرى – +8,8% (47,1-دەن 51,2 مىڭ تونناعا دەيىن), سارى ماي – +15% (21,9-دان 25,2 مىڭ تونناعا دەيىن), قىشقىل ءسۇت ونىمدەرى – +6,4% (161,2-دەن 171,5 مىڭ تونناعا دەيىن).

جالپى، 8 ايدا تاماق ونىمدەرى ءوندىرىسى 10,1%-عا (2 476,7 ملرد تەڭگە), ال سۋسىندار ءوندىرىسى 7,1%-عا (813,1 ملرد تەڭگە) ارتتى.

اگروونەركاسىپتىك كەشەندەگى ينۆەستيتسيالىق بەلسەندىلىك تە ءوسىپ كەلەدى. 2025 جىلعى قاڭتار–شىلدە ارالىعىندا اۋىل شارۋاشىلىعىنا نەگىزگى كاپيتالعا سالىنعان ينۆەستيتسيالار 516,2 ملرد تەڭگەنى قۇراپ، 2024 جىلدىڭ سايكەس كەزەڭىمەن سالىستىرعاندا 27%-عا ارتتى. تاماق ونىمدەرى وندىرىسىنە سالىنعان ينۆەستيتسيالار – 119,2 ملرد تەڭگە (+42,8%).

قازاقستاننىڭ اۋىل شارۋاشىلىعى وڭ ديناميكا كورسەتىپ وتىر. بۇل ءوندىرىس پەن ينۆەستيتسيا كولەمىنىڭ ۇلعايۋىنان، سونداي-اق قايتا وڭدەلگەن ءونىم ءوندىرىسىنىڭ ارتۋىنان ايقىن كورىنەدى. مۇنىڭ ءبارى ەلدىڭ ازىق-تۇلىك قاۋىپسىزدىگىن نىعايتۋعا جانە ەكسپورتتىق الەۋەتىن كەڭەيتۋگە العىشارتتار جاسايدى.

Abai.kz