اتىراۋ قالاسىنىڭ سوتى جالعان شوت-فاكتۋرالار مەن قىلمىستىق جولمەن الىنعان كىرىستەردى زاڭداستىرۋعا بايلانىستى ەكونوميكالىق قىلمىستاردى جاساعان ادامدار توبىنا قاتىستى ۇكىم شىعاردى، دەپ حابارلايدى BAQ.KZ.

تەرگەۋدى قما اتىراۋ وبلىسى بويىنشا دەپارتامەنتى جۇرگىزدى.

تەرگەۋ ناتيجەسىندە ا.س. تيۋياكپاەۆتىڭ باسشىلىعىمەن، سونداي-اق س.ا. ارگالاش پەن ا.س. بۋلاتوۆتىڭ قاتىسۋىمەن تۇلعالار توبى ۇيىمداسىپ، 8 ملرد تەڭگەگە جالعان شوت-فاكتۋرالار راسىمدەۋ ارقىلى قولما-قول اقشاعا اينالدىرۋ جانە سالىق تولەۋدەن جالتارۋ سحەماسىن قۇرعانى انىقتالدى.

وسىنىڭ سالدارىنان مەملەكەتكە 590 ملن تەڭگەدەن استام سالىق تولەنبەي، ءىرى كولەمدە زالال كەلتىرىلگەن.

سونىمەن قاتار، تيۋياكپاەۆ 342 ملن تەڭگە كولەمىندەگى قىلمىستىق كىرىستى باقىلاۋىنداعى كومپانيالاردىڭ ەسەپشوتتارى ارقىلى ءوزىنىڭ جۇبايىنىڭ جەكە شوتىنا اۋدارۋ ارقىلى زاڭداستىرعان.

سوت سانكتسياسىمەن 4 اۆتوكولىككە 2 پاتەر مەن ءبىر تۇرعىن ۇيگە تىيىم سالىندى.

تەرگەۋ بارىسىندا 236 ملن تەڭگە ءوز ەركىمەن وتەلدى.

سوت ۇكىمىمەن تيۋياكپاەۆ، ارگالاش جانە بۋلاتوۆ كىنالى دەپ تانىلىپ، ولارعا 2 جىل 4 ايدان 4 جىلعا دەيىن باس بوستاندىعىنان ايىرۋ جازاسى تاعايىندالدى.

سونداي-اق، قىلمىستىق جولمەن الىنعان كىرىسكە ساتىپ الىنعان مۇلىك — اتىراۋ قالاسىنداعى پاتەر مەن اۆتوكولىك — مەملەكەت پايداسىنا تاركىلەندى.

قالعان مۇلىككە قاتىستى ازاماتتىق تالاپ شەشىلگەنگە دەيىن قامتاماسىز ەتۋ شارالارىن ساقتاۋ تۋرالى سوت شەشىمى قابىلداندى.

ۇكىم زاڭدى كۇشىنە ەنگەن جوق.

Abai.kz