جوبا "ۇلتتىق تەحنولوگيالىق سەرپىلىس" باعدارلاماسى اياسىندا جاسالادى. 

تۇركيا ءوز يادرولىق رەاكتورلارىن ازىرلەۋ بويىنشا ۇلتتىق باستامانى باستاپ كەتتى. بۇل تۋرالى ەلدىڭ ونەركاسىپ جانە تەحنولوگيا ءمينيسترى مەحمەت فاتيح كادجىر مالىمدەدى، دەپ حابارلايدى inbusiness.kz سايتى.

تىڭ باستامانىڭ نەگىزگى ماقساتى ستراتەگيالىق ماڭىزدى سالالاردى، سونىڭ ىشىندە جاساندى ينتەللەكت، قورعانىس ونەركاسىبى، حيميا جانە مەتاللۋرگيا سالالارىن تۇراقتى، كومىرتەگىدەن تازا جانە ۇزدىكسىز ەنەرگيامەن قامتاماسىز ەتۋ بولماق. تۇركيا وتاندىق يادرولىق تەحنولوگيالاردى دامىتۋ ارقىلى ەلدىڭ ەنەرگەتيكالىق تاۋەلسىزدىگىن ارتتىرعىسى كەلەدى. جوبا "ۇلتتىق تەحنولوگيالىق سەرپىلىس" باعدارلاماسى اياسىندا جاسالادى.

ء"بىز يادرولىق ەنەرگەتيكادا ءوز جولىمىزدى باستايمىز. بۇل ەنەرگەتيكا ماسەلەسى عانا ەمەس، سونداي-اق تاۋەلسىزدىك، تەحنولوگيالىق قۋات جانە تۇراقتى دامۋعا دا قاتىستى", – دەدى مەحمەت فاتيح كادجىر.

جوعارى تەحنولوگيالى رەاكتورلار ەلدىڭ ونەركاسىبىنىڭ الەۋەتىن پايدالانا وتىرىپ جۇزەگە اسىرىلادى دەپ كۇتىلۋدە. اتاپ ايتقاندا، TENMAK جانە TÜBİTAK ينستيتۋتتارىنىڭ، سونداي-اق ۋنيۆەرسيتەتتەردىڭ قاتىسۋىمەن جاسالادى.

Abai.kz