مۇناي ونىمدەرىنىڭ زاڭسىز اينالىمى ءۇشىن كۇدىكتى بىرىككەن اراب امىرلىكتەرىنەن ەكستراديتسيالاندى.

باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى زاڭسىز مۇناي اينالىمى ءۇشىن قىلمىستىق جاۋاپتىلىققا تارتۋ ماقساتىندا قازاقستان ازاماتىن بىرىككەن اراب امىرلىكتەرىنەن ەكستراديتسيالادى.

كۇدىكتى كوممەرتسيالىق ۇيىمنىڭ باس ديرەكتورى بولا تۇرا، 2022-2023 جىلدارى اقتوبە وبلىسىندا الدىن الا ءسوز بايلاسۋ ارقىلى ادامدار توبىمەن جالپى سوماسى 300 ملن تەڭگەدەن استام اسا ءىرى مولشەردەگى مۇنايدى زاڭسىز وتكىزۋ بويىنشا ارەكەتتەر جاساعان.

قىلمىس جاساعاننان كەيىن قاسكۇنەم جاسىرىنىپ، ول حالىقارالىق ىزدەۋگە جاريالانعان. 2024 جىلى ىزدەۋدەگى ادام دۋبايدا انىقتالىپ، باس پروكۋراتۋرانىڭ سۇراۋى بويىنشا ول جەردەن قازاقستانعا ەكستراديتسيالاندى. قازىر كۇدىكتى ۋاقىتشا ۇستاۋ يزولياتورىنا قامالدى.

ايتا كەتەيىك، 2024 جىلى بۇل قىلمىستىڭ سىبايلاسى باس بوستاندىعىنان ايىرۋ تۇرىندەگى جازاعا سوتتالعان. ايىپتالعان قىلمىستى جاساعانى ءۇشىن مۇلكى تاركىلەنىپ، 3 جىلدان 6 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.

Abai.kz