استانادا Respublica پارتياسى مەن ÖzgerTeam قوعامدىق قورى ۇيىمداستىرعان Jas Republic Cup رەسپۋبليكالىق دەبات ءتۋرنيرىنىڭ فينالى مارەسىنە جەتتى.

بۇل دودا – ەلدىڭ تۇكپىر-تۇكپىرىنەن كەلگەن وقۋشىلار ءۇشىن ەرەكشە اسەر مەن شابىت سىيلاعان ايرىقشا وقيعا بولدى. تۋرنير يننوۆاتسيالىق باعىتتاعى №101 «كەلەشەك مەكتەپتە» ءوتتى – جاڭا ءبىلىم بەرۋ ءتاسىلىنىڭ سيمۆولىنا اينالعان وقۋ ورنىندا.

ايماقتىق ىرىكتەۋ كەزەڭدەرىنە 476 كوماندا، ياعني شامامەن 1500 وقۋشى قاتىستى. فينالدا 40 ۇزدىك كوماندا (20 – قازاق ليگاسى، 20 – ورىس ليگاسى) باق سىنادى.

جەڭىمپازدار:

قازاق ليگاسى:
— I ورىن: الماتى قالاسى
— II ورىن: اقمولا وبلىسى
— III ورىن: شىمكەنت قالاسى
— ۇزدىك سپيكەر: قۇندىز داۋىل، اقتوبە وبلىسى

ورىس ليگاسى:
— I ورىن: الماتى قالاسى
— II ورىن: استانا قالاسى
— III ورىن: اباي وبلىسى
— ۇزدىك سپيكەر: ماماداليەۆا جاميليا، الماتى

قازاق ليگاسىنىڭ جەڭىمپازدارىن ءماجىلىس دەپۋتاتى، Respublica فراكتسياسىنىڭ مۇشەسى ەكاتەرينا سمولياكوۆا ماراپاتتادى. ول ءوز سوزىندە:

«دەبات مادەنيەتى ءدال قازىر – پرەزيدەنت جولداۋىندا ايتىلعان پارلامەنتتىك مادەنيەتتى دامىتۋ مەن دەموكراتيالىق ينستيتۋتتاردى نىعايتۋ باعىتتارى وزەكتى بولعان كەزەڭدە – ەرەكشە مانگە يە. بۇل – جاستاردىڭ سانالى ازامات رەتىندە قالىپتاسۋىنىڭ ماڭىزدى بولىگى.

Respublica پارتياسى ءاردايىم جاستارمەن بىرگە. ءبىز جاستاردىڭ ەنەرگياسى مەن يدەيالارى ناقتى جوبالاردا جۇزەگە اسۋى ءتيىس دەپ سەنەمىز»، – دەدى.

ورىس ليگاسىنىڭ جەڭىمپازدارىن ÖzgerTeam قورىنىڭ توراعاسى مۇرات جۇمانباي ماراپاتتادى.
ال ۇزدىك تورەشىلەر مەن سپيكەرلەرگە ماراپاتتاردى قر وقۋ-اعارتۋ مينيسترلىگىنىڭ تاربيە جانە قوسىمشا ءبىلىم دەپارتامەنتىنىڭ ديرەكتورى ەرلان قالماقوۆ تابىستادى.

جەڭىمپازدار ديپلومدارمەن، كۋبوكتارمەن جانە اقشالاي سەرتيفيكاتتارمەن ماراپاتتالدى.

دەبات بارىسىندا قاتىسۋشىلار مەكتەپ ورتاسىن دامىتۋ جونىندەگى ءوز يدەيالارىن ۇسىنىپ، ۇنەمشىلدىك مادەنيەتى، پارلامەنتتىك رەفورما، تسيفرلاندىرۋ، جاساندى ينتەللەكتتى ەنگىزۋ جانە جاستار اراسىندا Respublica پارتياسىن ىلگەرىلەتۋ سياقتى وزەكتى تاقىرىپتاردى تالقىلادى.

Jas Republic Cup II – وقۋشىلار تەك پىكىرتالاس جۇرگىزىپ قانا قويماي، تىڭداي ءبىلۋدى، دالەلمەن سويلەپ، شەشىم ۇسىنۋدى ۇيرەنگەن الاڭعا اينالدى. وسىنداي ىزدەنىمپاز جاستاردان ەل تاعدىرىنا بەيجاي قارامايتىن جاڭا بۋىن ءوسىپ كەلەدى.

Abai.kz