بۇگىن مەملەكەت باسشىسى جارلىق شىعارىپ، قازاقستاننىڭ ەلىشىلىك ساياساتىنىڭ نەگىزگى قاعيدالارى، قۇندىلىقتارى مەن باعىتتارىن بەكىتتى.

قۇجات سولاي اتالادى – «قازاقستان رەسپۋبليكاسى ىشكى ساياساتىنىڭ نەگىزگى قاعيداتتارى، قۇندىلىقتارى مەن باعىتتارىن بەكىتۋ تۋرالى» جارلىق.

ال ەندى وندا نە جازىلعان؟ قاراڭىز:

«وندا «زاڭ جانە ءتارتىپ»، «حالىق ۇنىنە قۇلاق اساتىن مەملەكەت»، «ءتۇرلى كوزقاراس – ءبىرتۇتاس ۇلت»، «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت»، «ادال ازامات»، «تازا قازاقستان» سەكىلدى ىشكى ساياسات قاعيداتتارى قامتىلعان.  سونداي-اق ۇلتتىق قۇرىلتاي وتىرىستارىندا كوتەرىلگەن جالپىۇلتتىق قۇندىلىقتاردىڭ تىزبەسى ەنگىزىلدى. جالپىۇلتتىق بىرەگەيلىكتى تانىتاتىن ۇلتتىق نىشاندار جۇيەسى جاسالدى»، - دەلىنگەن اقوردا اقپاراتىندا.

اتالعان قۇجاتتا قوعامدىق ديالوگ، ەتنوسارالىق قاتىناس، ءدىن، مادەني-گۋمانيتارلىق، وتباسى، جاستار، اقپارات سەكىلدى ىشكى ساياساتتىڭ باسىم باعىتتارى ايقىندالعان.

وسىنداي قۇجات ازىرلەۋ تۋرالى ۇسىنىس ۇلتتىق قۇرىلتايدىڭ IV وتىرىسىندا ايتىلعان. پرەزيدەنت بۇل يدەيانى قولداپ، ونىڭ مەملەكەتتىك قۇرىلىمدار جۇمىسىن جۇيەلەندىرۋگە باعىتتالۋى كەرەك ەكەنىن اتاپ وتكەن بولاتىن.

بۇگىن پرەزيدەنت قول قويعان قۇجات – ەلىمىزدىڭ 2029 جىلعا دەيىنگى ۇلتتىق دامۋ جوسپارىن نەگىزگە الا وتىرىپ ازىرلەنگەن. تۇجىرىمدامالىق قۇجاتتى ازىرلەۋگە ۇلتتىق قۇرىلتايدىڭ مۇشەلەرى، ساراپشىلار، عىلىمي جانە قوعامدىق ۇيىمداردىڭ وكىلدەرى بەلسەنە اتسالىستى.

اتالعان قۇجات ءبىرىنشى كەزەكتە مەملەكەتتىك ورگاندارعا ارنالعان. ونىڭ باستى ماقساتى – ىشكى ساياسات سالاسىنداعى جۇمىستى جۇيەلەۋ ءارى ۇيلەستىرۋ.

Abai.kz