بەلگىلى قازاقستاندىق فيلولوگ، ادەبيەت سىنشىسى، رەجيسسەر جانە ستسەناريست عالىم تولەمبەكۇلى دوسكەننىڭ قايتىس بولعانى بەلگىلى بولدى. بۇل تۋرالى ادەبيەتتانۋشى امانگەلدى كەنشىلىك حابارلادى.

ايتا كەتەيىك، عالىم دوسكەن 1960 جىلعى 19 شىلدەدە دۇنيەگە كەلگەن. اباي اتىنداعى قازاق پەداگوگيكالىق ينستيتۋتىن تامامداعان. 2001–2002 جىلدارى «قازاقستان» رەسپۋبليكالىق تەلەراديوكورپوراتسياسى» جابىق اكتسيونەرلىك قوعامى باسقارما توراعاسىنىڭ ءبىرىنشى ورىنباسارى بولىپ قىزمەت اتقاردى. 2002–2006 جىلدارى «قازاقستان» رترك» اق-نىڭ پرەزيدەنتى بولدى. 2007 جىلدان باستاپ «ەل» پروديۋسەرلىك ورتالىعىنىڭ كوركەمدىك جەتەكشىسى قىزمەتىن اتقاردى.

ول كوپتەگەن دەرەكتى جانە كوركەم فيلمدەردىڭ اۆتورى: «وجيدانيە سۆەتا» («جارىقتى كۇتۋمەن»), «ستوليتسى ۆەليكوي ستەپي»، «سنى پانتەونوۆ ماڭعىستاۋ»، «حرونيكا ۋتراچەننوگو سۆەتا»، «تسۆەتنىە بولەزني». سونداي-اق «توعىز قۇيرىقتى اق تۇلكى»، «سيقىرلى فلەيتا»، «بيلەگەن قۇس» كىتاپتارىن جازعان، «جەزتىرناق» بالەتىنىڭ ليبرەتتوسىن ازىرلەگەن جانە بىرنەشە اۋدارمالار جاساعان.

Abai.kz