ومبىداعى قۇرىلىس نىسانىندا ورىن العان ءورت سالدارىنان قازاقستان ازاماتى ماكسيم باگينسكي قازا تاپتى، دەپ حابارلايدى اگەنتتىك ءتىلشىسى.

«قازاقستان رەسپۋبليكاسىنىڭ سىرتقى ىستەر مينيسترلىگى 2026 جىلعى 18 تامىزدا ومبى قالاسىندا ءورت سالدارىنان قازا تاپقان قازاقستان رەسپۋبليكاسىنىڭ ازاماتى ماكسيم باگينسكيدىڭ وتباسى مەن جاقىندارىنا قايعىرىپ كوڭىل ايتادى. قازاقستاننىڭ ومبى قالاسىنداعى باس كونسۋلدىعى قاجەتتى كونسۋلدىق-قۇقىقتىق كومەك، سونىڭ ىشىندە قۇجاتتاردى راسىمدەۋگە جانە ازاماتتىڭ قازا بولۋ ءمان-جايلارىنا قاتىستى رەسەيدىڭ قۇزىرەتتى ورگاندارىمەن ءوزارا ءىس-قيمىل جاساۋعا كومەك كورسەتىپ جاتىر. ءسىم قازا تاپقان ازاماتتىڭ وتباسىمەن بايلانىستا جانە ءوز قۇزىرەتى شەگىندە قاجەتتى جاردەم كورسەتۋدە»، – دەپ حابارلادى قازاقستان رەسپۋبليكاسى سىرتقى ىستەر مينيسترلىگىنەن.

بۇقارالىق اقپارات قۇرالدارىنىڭ مالىمەتىنشە، ومبىداعى قۇرىلىس نىسانىنداعى ءورت 15 تامىزدا بولعان. وقيعا سالدارىنان ەكى جۇمىسشى قازا تاپتى، ولاردىڭ ءبىرى 2002 جىلى تۋعان قازاقستان ازاماتى بولىپ شىقتى.

الدىن الا اقپارات بويىنشا، قازاقستاندىق دەنەسىنىڭ 70% كۇيىك الىپ، 18 تامىزدا اۋرۋحانادا قايتىس بولعان. سونداي-اق بويجەتكەن/جاس جىگىت نىساندا مەردىگەر بولعان «گلوبال ينجينيرينگ» كومپانياسىندا جۇمىس ىستەگەنى حابارلاندى.

رەسەيلىك تەرگەۋشىلەر ءورتتىڭ سەبەپتەرىن جانە قۇرىلىس الاڭىنداعى قاۋىپسىزدىككە جاۋاپتى تۇلعالاردى انىقتاپ جاتىر.

Abai.kz