يزرايل اسكەرى ليۆاننىڭ وڭتۇستىگىندەگى حاماس ۇيىمىنىڭ وقۋ-جاتتىعۋ لاگەرىنە سوققى بەردى، دەپ حابارلايدى تاسس.

— يزرايل اسكەرى ليۆاننىڭ وڭتۇستىگىندەگى اين-ەل-حيلۆا اۋدانىنداعى (پالەستينالىق بوسقىندار لاگەرى) حاماس ۇيىمىنىڭ جاتتىعۋ لاگەرىندە جۇمىس ىستەيتىن راديكالدارعا سوققى بەردى، — دەلىنگەن حابارلامادا.

ءباسپاسوز قىزمەتى شابۋىلعا دەيىن بەيبىت تۇرعىندارعا كەلتىرىلەتىن زالالدى بارىنشا ازايتۋ شارالارىن قابىلدانعانىن، ونىڭ ىشىندە ءدال باسقارىلاتىن وق-دارىلەردى قولدانۋ، اۋەدەن باقىلاۋ جانە قوسىمشا بارلاۋ مالىمەتتەرى جينالعانىن اتاپ ءوتتى.

— يزرايل قورعانىس كۇشتەرى ليۆانداعى حاماس جاساقتارىنا قارسى ارەكەتىن جالعاستىرا بەرەدى، — دەلىنگەن اقپاراتتا.

ايتا كەتەيىك، بۇۇ مالىمەتىنشە، ءيزرايلدىڭ سوققىلارىنان گازادا 282 مىڭ ءۇي قيراعان.

Abai.kz