قازاقستاندىق UFC جاۋىنگەرى اسۋ الماباەۆ تاعى ءبىر قازاق سپورتشىسى بەكزات الماحاننىڭ جەڭىلىسىنە قاتىستى پىكىر ءبىلدىردى.

UFC-ءدىڭ كەزەكتى ءتۋرريرى دوحادا وتكەن. وندا قازاق سپورتشىسى بەكزات الماحان قارسىلاسىنان جەڭىلىپ قالعان. ال اسۋ الماباەۆ بۇل تۋرنيردە ءوز قارسىلاسىن ايقىن باسىمدىقپەن جەڭگەن.

اسۋ ءباسپاسوز ءماسليحاتىندا اشىق ايتىپ، باۋىرىن سىنعا جىعىپ جىبەرمەي، كەرىسىنشە قولداۋ كورسەتۋگە شاقىردى.

«بەكزاتتىڭ جەكپە-جەگى كوز الدىمدا ءوتىپ جاتتى. كىشكەنە كوڭىل-كۇيىم ءتۇسىپ قالدى. ءاربىر كيىم اۋىستىراتىن، دايىندالاتىن بولمەدە تەلەديدار بار. سول جەردەن كورىپ وتىردىق. ول باۋىرىم عوي، قولدايىق. وسىنداي كەزدە قولداماعاندا قاشان قولدايمىز؟

وسى جەرگە جەتۋدىڭ وزىنە، وكتوگونعا كىرۋدىڭ وزىنە ادامعا جۇرەك كەرەك.

ايتامىز عوي: «قازاقتار كوشپەندى قالىقپىز»، - دەپ. ءار سالماقتا ەكى-ءۇش قازاقتان بولسىن. قازىر كوشپەندى ەمەس، وسەك ايتاتىن حالىق بوپ كەتتىك. باسقا ۇلتتاردى قاراساڭىز، ءار سالماقتا ءوزارا باسەكە بار. بىزدە بارى ەكى-ءۇش قازاقپىز، سونىڭ ءوزىن جەردەن الىپ، جەرگە سالامىز»، - دەپ پىكىرىن ءبىلدىردى اسۋ الماباەۆ.

Abai.kz