Orda.kz پورتالىنىڭ باس رەداكتورى گۇلنار باجكەنوۆا سوت شەشىمىمەن ەكى اي مەرزىمگە ۇيقاماققا الىندى. بۇل تۋرالى دۇيسەنبى كۇنى كەشكە رەداكتسيانىڭ ادۆوكاتى مۇرات ادام الەۋمەتتىك جەلىدە ءمالىم ەتتى.

كۇننىڭ العاشقى جارتىسىندا پوليتسيا باجكەنوۆانىڭ ءۇيى مەن Orda.kz رەداكتسياسىندا ءتىنتۋ جۇرگىزىپ، بىرنەشە قىزمەتكەردى تەرگەۋگە جەتكىزگەن.

الماتى قالالىق پوليتسيا دەپارتامەنتىنىڭ مالىمەتىنشە، جۋرناليستكە قاتىستى قىلمىستىق كودەكستىڭ "قاساقانا جانە بىرنەشە رەت جالعان اقپارات تاراتۋ" بابى بويىنشا ءىس قوزعالعان.

تەرگەۋ نۇسقاسى بويىنشا، 2024 جىلى جاريالانعان ماتەريالداردىڭ بىرىندە قۇقىق قورعاۋ قىزمەتكەرى پارا العان دەگەن جالعان مالىمەت تاراعان. تەكسەرۋ بارىسىندا مۇنداي وقيعا بولماعانى انىقتالعان.

Abai.kz