قىتاي گازا سەكتورىنداعى گۋمانيتارلىق داعدارىستى ەڭسەرۋگە جانە ايماقتى قالپىنا كەلتىرۋگە 100 ميلليون دوللار بولەدى، دەپ حابارلادى Report اگەنتتىگى.

بۇل تۋرالى قحر توراعاسى سي تسزينپين فرانتسيا پرەزيدەنتى ەممانۋەل ماكرونمەن كەزدەسۋدەن كەيىن بولعان ءباسپاسوز ءماسليحاتىندا ايتتى. سي ءتسزينپيننىڭ سوزىنشە، قىتاي مەن فرانتسيا اەروعارىش، اتوم ەنەرگەتيكاسى سالالارىندا جانە جاسىل ونەركاسىپ پەن جاساندى ينتەللەكت سياقتى جاڭا باعىتتاردا ىنتىماقتاستىقتى دامىتۋعا ۋاعدالاستى.

فرانتسيا باسشىسى قىتايدىڭ ۋكراينادا سوعىستى توقتاتۋ ماسەلەسىندە رەسەيگە ىقپال جاساۋىن قالايتىنىن جەتكىزدى. ماكرون دۇنيە جۇزىندە حالىقارالىق ءتارتىپتىڭ ىدىراۋ قاۋپى تۋىنداعانىن ايتتى. وسىعان بايلانىستى پاريج بەن بەيجىڭ اراسىنداعى ديالوگتىڭ ماڭىزدىلىعى ارتىپ وتىر دەدى.

ء"بىز قىتايدىڭ ۋاقىتشا اتىستى توقتاتۋ بويىنشا، اسىرەسە ومىرلىك ماڭىزى بار ينفراقۇرىلىمدارعا جاسالاتىن شابۋىلدارعا موراتوري جاريالاۋعا باعىتتالعان كۇش-جىگەرىمىزگە قوسىلادى دەپ ۇمىتتەنەمىز", – دەدى ماكرون.

سي تسزينپين بۇل مالىمدەمەگە اشىپ جاۋاپ ايتپادى. ول قىتايدىڭ بەيبىتشىلىككە باعىتتالعان كەز كەلگەن كۇش-جىگەردى قولدايتىنىن ءارى بارلىق تاراپ قابىلدايتىن كەلىسىمگە كەلۋگە شاقىراتىنىن اتاپ ءوتتى.

Abai.kz