قازاقستاندىق جاۋىنگەر، «قان مەن تەر» لاقاپ اتىمەن تانىمال الىبي ىدىرىستىڭ UFC-دەگى دەبيۋتتىك جەكپە-جەگىن قاشان وتكىزەتىنى بەلگىلى بولدى، دەپ حابارلايدى Prosports.kz.

مما-ينسايدەرى مارسەل دورففتىڭ مالىمەتىنشە، ءالىبي ىدىرىس (10-1) يامايكالىق ودە وسبورنمەن (13–9) كەزدەسەدى. جەكپە-جەك 21 اقپاندا اقش-تىڭ حيۋستون قالاسىندا وتەتىن UFC ءتۋرنيرى اياسىندا ۇيىمداستىرىلادى.

بۇعان دەيىن، 2023 جىلعى 5 تامىزدا وسبورن تاعى ءبىر قازاقستاندىق سپورتشى — اسۋ الماباەۆپەن (23–3) كۇش سىناسىپ، ەكىنشى راۋندتا جەڭىلىس تاپقان بولاتىن.

ەستەرىڭىزگە سالا كەتەيىك، تامىز ايىندا ءالىبي ىدىرىس The Ultimate Fighter فينالىندا دجوزەف مورالەسكە جول بەرگەن بولاتىن. ءالىبيدىڭ UFC 319 ىرىكتەۋ تۋرنيرىندەگى جەڭىلىسىنە قاراماستان، ۇيىم ونىڭ مۇمكىندىكتەرىن جوعارى باعالاپ، 4 جەكپە-جەككە كەلىسىمشارت ۇسىندى. وسىلايشا، ول UFC-دە ونەر كورسەتەتىن جەتىنشى قازاقستاندىق سپورتشى اتانعان ەدى.

Abai.kz