11 جەلتوقساندا استانادا ەنەرگەتيكا ءمينيسترى ەرلان اقكەنجەنوۆ جۋرناليستەرگە وسىلاي دەپ مالىمدەدى. بۇل تۋرالى ازاتتىق راديوسى جازدى.

«[كاسپي قۇبىر كونسورتسيۋمىنا شابۋىلدىڭ وندىرىسكە اسەر ەتكەنى] ءسوزسىز. قازىرگى كەزدە شىعىن كولەمى – 480 مىڭ توننا»، - دەدى اقكەنجەنوۆ.

ونىڭ سوزىنشە، مۇناي ءوندىرۋ جوسپارى سوعان قاراماستان ورىندالماق. بۇعان دەيىن جوندەۋدە بولعان ءۇشىنشى ايلاق قوندىرعىسى 15 جەلتوقسانعا دەيىن ىسكە قوسىلادى. ال درون شابۋىلىنىڭ سالدارىنان بۇزىلعان ايلاق قوندىرعىسىنىڭ جۇزگىشتىگى قالپىنا كەلتىرىلىپ جاتىر، ازىرگە ونىڭ جارامدىلىعىنا قاتىستى شەشىم قابىلدانباعان.

«تىم قاتتى بۇلىنگەن، ءۇش تە ەكى جارىم مەترلىك شۇڭقىر بار، وتە ۇلكەن»، -دەدى مينيستر. ول سونىمەن بىرگە قازاقستان كاسپي قۇبىر كونسورتسيۋمىنان باس تارتپايتىنىن، وعان «بالاما» باعىت جوق ەكەنىن ايتتى.

Abai.kz