مەملەكەت باسشىسى جۇرگىزىپ وتىرعان اۋقىمدى ەكونوميكالىق رەفورمالار جاعدايىندا 2025 جىلى پروكۋرورلار مەملەكەت مۇددەلەرىن 1,1 ترلن تەڭگەدەن استام سوماعا قامتاماسىز ەتتى.

مەملەكەت پايداسىنا مەملەكەتتىك قاراجاتتى جۇمساۋ، مەملەكەتتىك ساتىپ الۋ، قورشاعان ورتانى قورعاۋ جانە جەر قويناۋىن پايدالانۋ، جەرلەردى ۇتىمدى پايدالانۋ جانە باسقا دا سالالاردا 470 ملرد تەڭگە كولەمىندە اقشا قاراجاتى مەن مۇلىك تاركىلەندى.

باس پروكۋراتۋرا قارجى جانە ادىلەت مينيسترلىكتەرىمەن بىرلەسىپ مەملەكەتتىك مۇلىكتى باسقارۋدىڭ زاڭدىلىعىنا جۇرگىزىلگەن ءبىر عانا تەكسەرۋدىڭ ناتيجەسىندە 3 جىلدان استام ۋاقىت بويى شوتتاردا بۇعاتتالىپتۇرعان جانە بيۋدجەتكە تولەنبەگەن 193 ملرد ديۆيدەندتەردى تولەۋ بويىنشا شارالار قابىلداندى.

مەملەكەت مەنشىگىنە الاتاۋدىڭ تاۋ ەتەگىندە، كاسپي تەڭىزىنىڭ جاعالاۋىندا، بۋراباي ۇلتتىق پاركىندە ورنالاسقان وليگوپوليالاردىڭ جەرى، سونداي-اق جىلدار بويى ماقساتتى تۇردە پايدالانىلماعان قوعامدىق جايىلىمدار مەن وزگە دە القاپتار – اۋىل شارۋاشىلىعى ماقساتىنداعى جەردىڭ بارلىعى 800 مىڭ گەكتار قايتارىلدى.

ناتيجەسىندە بىرقاتار وڭىرلەردە جايىلىم تاپشىلىعى ماسەلەسى ءىس جۇزىندە شەشىلدى – پروكۋرورلار اۋىلدىق اۋماقتاردىڭ بارلىق تۇرعىندارىنا ولاردى پايدالانۋ مۇمكىندىگى مەن قولجەتىمدىلىگىن قامتاماسىز ەتتى.

پرەزيدەنت بەكىتكەن ىشكى ساياسات قاعيداتتارى مەن «تازا قازاقستان» تۇجىرىمداماسى اياسىندا تابيعات پايدالانۋشىلارمەن كەلتىرىلگەن 25 ملرد كولەمىندەگى ەكولوگيالىق زالال وتەلدى.

تسيفرلىق تەحنولوگيالاردى، عارىشتىق مونيتورينگتى جانە جاساندى ينتەللەكت ەلەمەنتتەرىن پايدالانا وتىرىپ، پروكۋرورلار ەكولوگتارمەن بىرلەسىپ 3,8 مىڭنان استام زاڭسىز قوقىس ورىندارىن جويدى.

پروكۋرورلىق قاداعالاۋ اكتىلەرى بويىنشا قۇرىلىس سالۋشىلارمەن 300 مىڭنان استام جاڭا جاسىل جەلەكتەر وتىرعىزىلدى.

مەملەكەتتىك باسقارۋدىڭ تيىمدىلىگىن ارتتىرۋ تۋرالى پرەزيدەنتتىڭ جارلىعىن ورىنداۋ شەڭبەرىندە پروكۋرورلار جەرگىلىكتى اتقارۋشى ورگانداردىڭ شىعىستارىن وڭتايلاندىرىپ، 255 ملرد تەڭگە كولەمىندەگى قاجەتسىز مەملەكەتتىك شىعىنداردىڭ جولىن كەستى.

بۇل – تۇتاس ءبىر ءوڭىردىڭ جىلدىق بيۋدجەتىمەن سالىستىرۋعا بولادى.

پاۆلودار مەن اتىراۋدا جەرگىلىكتى ورگاندار ارنايى تەحنيكا مەن پاتەرلەردى نارىقتىق باعاسىنان ءۇش ەسە قىمبات باعامەن ساتىپ الۋدى جوسپارلاعان.

پروكۋرورلار بۇل ساتىپ الۋلاردى توقتاتىپ، قاراجات وزگە الەۋمەتتىك قاجەتتىلىكتەرگە جانە ينفراقۇرىلىمدى جاقسارتۋعا باعىتتالدى.

پروكۋرورلاردىڭ ءوتىنىشحاتتارى مەن نارازىلىقتارى بويىنشا 300-دەن استام ازاماتتىق جانە اكىمشىلىك ءىس بويىنشا شەشىمدەر قايتا قارالدى، ونىڭ ىشىندە مەملەكەت پايداسىنا 22 ملرد تەڭگە ءوندىرىلدى.

مىسالى، مەنىڭ نارازىلىعىم بويىنشا مەملەكەتتەن ەكى جەكە كومپانيانىڭ كرەديتتىك بەرەشەگى ءۇشىن 1,2 ملرد تەڭگە ءوندىرىپ الۋ جويىلدى.

كەرىسىنشە، مەنىڭ نارازىلىعىم بويىنشا ورىندالماعان قارۋ-جاراقتى جوندەۋ جۇمىستارى ءۇشىن مەملەكەتتىك قورعانىس تاپسىرىسىنىڭ پايداسىنا 800 ملن تەڭگە ءوندىرىلدى.

قوعام مەن مەملەكەتتىڭ ەكونوميكالىق مۇددەلەرىن قورعاۋ سالاسىنداعى پروكۋرورلىق قاداعالاۋدىڭ تيىمدىلىگى، سونىڭ ىشىندە تسيفرلىق تەحنولوگيالار مەن جاساندى ينتەللەكت ەلەمەنتتەرىن جۇمىسقا ەنگىزۋ ەسەبىنەن ارتىپ كەلەدى.

بەرىك اسىلوۆ، 

قر باس پروكۋرورى

Abai.kz