ەلىمىزدە ازاماتتاردىڭ بىرىڭعاي جيناقتاۋشى زەينەتاقى قورىنداعى قاراجاتىن ەمدەلۋگە پايدالانۋ مۇمكىندىگى الداعى التى ايعا ۋاقىتشا توقتاتىلدى. 

بۇل تۋرالى "وتباسى بانك" باسقارما ءتورايىمى لياززات يبراگيموۆا مالىمدەدى.

ونىڭ ايتۋىنشا، سوڭعى ۋاقىتتا راديوحيرۋرگيالىق قىزمەتكە قاتىستى وتىنىمدەر سانى كۇرت كوبەيگەن. ەگەر بۇرىن مۇنداي وتىنىشتەر ايىنا وننان اسپايتىن بولسا، بيىل قاڭتار ايىندا ولاردىڭ سانى جەتى مىڭعا دەيىن جەتكەن.

جۇرگىزىلگەن تەكسەرىس بارىسىندا بىرقاتار مەديتسينالىق ۇيىمداردا قاجەتتى قۇرال-جابدىق پەن بىلىكتى مامانداردىڭ جوق ەكەنى بەلگىلى بولعان. سونىمەن قاتار ءبىر كلينيكا كورسەتىلگەن مەكەنجايدا مۇلدە تىركەلمەگەن بولىپ شىققان.

قازىرگى تاڭدا زاڭسىز ارەكەتتەردىڭ الدىن الۋ باعىتىندا ءتيىستى جۇمىستار اتقارىلىپ جاتىر.

Abai.kz