ساتىپ الۋ قۇقىعىمەن بەرىلەتىن تۇرعىن ءۇيدى ونلاين راسىمدەۋگە ارنالعان پيلوتتىق جوبانى ىسكە قوسىلدى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ اقپاراتىنشا، جوبا «قازاقستان تۇرعىن ءۇي كومپانياسى» اق-پەن بىرلەسىپ جۇزەگە اسىرىلىپ جاتىر.

جاڭا جۇيە ارقىلى تۇرعىن ۇيگە ونلاين ءوتىنىم بەرۋگە جانە ەلەكتروندىق كەلىسىمشارت جاساۋعا بولادى. قۇجاتتار مەن قۇقىقتاردى تىركەۋ بارلىق كەزەڭدە اۆتوماتتاندىرىلعان. ياعني ءوتىنىش بەرۋدەن باستاپ، ساتىپ الۋ سوماسى تولىق تولەنگەننەن كەيىن تۇرعىن ۇيگە مەنشىك قۇقىعىن راسىمدەۋگە دەيىن ونلاين بولماق.

– پيلوتتىق جوبا جىلجىمايتىن مۇلىك سالاسىنداعى مەملەكەتتىك قىزمەت كورسەتۋ ۇدەرىستەرىن اۆتوماتتاندىرۋعا جانە بارىنشا جەڭىلدەتۋگە باعىتتالعان. ول الەۋمەتتىك وسال توپ وكىلدەرىنە، بيۋدجەتتىك سالا قىزمەتكەرلەرىنە جانە قالا قۇراۋشى كاسىپورىنداردىڭ جۇمىسشىلارىنا ارنالعان، – دەلىنگەن حابارلامادا.

تىركەۋ مەن مامىلە تاراپتارىنىڭ ءوزارا ءىس-قيمىلى ناقتى ۋاقىت رەجيمىندە بەينەكونفەرەنتسبايلانىس ارقىلى جۇرگىزىلەدى.

سونىمەن قاتار، جۇيەدە زاماناۋي تسيفرلىق تەحنولوگيالار، ونىڭ ىشىندە blockchain قولدانىلىپ، قىزمەت كورسەتۋ مەرزىمدەرى قىسقارىپ، شىعىندار ازايتىلىپ، پروتسەسس اشىق ءارى قولجەتىمدى بولادى.

بۇعان دەيىن استانادا ءۇيدى ارزان باعامەن الۋعا بولاتىن باعدارلاما باستالعان ەدى.

Abai.kz