قر اۋىل شارۋاشىلىعى ۆيتسە-ءمينيسترى امانعالي بەردالين قازاقستاننان مال شارۋاشىلىعى ونىمدەرىن الاتىن ەلدەردى اتادى.

— 2025 جىلى 16 ۆەتەريناريالىق سەرتيفيكات كەلىسىلىپ، قول قويىلدى. بۇل ەۋروپا وداعى ەلدەرىنە، ۇلىبريتانياعا، يراكقا، يرانعا، اقش-قا، كاناداعا، ۆەتنامعا، پارسى شىعاناعى ەلدەرىنە جانە باسقا دا باعىتتارعا مال شارۋاشىلىعى ونىمدەرىن ەكسپورتتاۋعا مۇمكىندىك بەرەدى، — دەدى ا. بەردالين سەناتتا مال شارۋاشىلىعىن دامىتۋ پەرسپەكتيۆالارىن تالقىلاۋ كەزىندە.

ونىڭ ايتۋىنشا، بيىل قىتاي حالىق رەسپۋبليكاسىنا (قۇس ەتى، سالقىنداتىلعان ەت، ءىرى قارا، ۇساق مال جانە شوشقا سۋبونىمدەرى ەكسپورتى بويىنشا), ەۋروپا وداعىنا (جىلقى ەتى جانە اكۆاشارۋاشىلىق), پاكىستانعا ء(ىرى قارا، ۇساق مال، قۇس ەتى جانە وزگە دە ونىمدەر) جانە باسقا ەلدەرگە مال شارۋاشىلىعى ونىمدەرىنىڭ ەكسپورتتىق نومەنكلاتۋراسىن كەڭەيتۋ بويىنشا جۇمىس جوسپارلانعان.

بۇدان بۇرىن حابارلانعانداي، بۇگىن سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا دەپۋتات ارمان وتەعۇلوۆ مال شارۋاشىلىعى سالاسىندا اناقتالعان ماسەلەگە ەگجەي-تەگجەيلى توقتالدى.

Abai.kz