ءباا-دە ۋكراينا قاقتىعىسىن رەتتەۋ بويىنشا رەسەي، اقش جانە ۋكراينا اراسىنداعى ۇشجاقتى كەلىسسوزدەر اياقتالدى. ەكىنشى راۋند ءۇش ساعاتتان استام جالعاستى. ۆلاديمير زەلەنسكيدىڭ ايتۋىنشا، امەريكاندىق تاراپ قاقتىعىستى توقتاتۋ پارامەترلەرىن بەكىتۋدىڭ مۇمكىن فورماتتارى جانە ول ءۇشىن قاجەتتى قاۋىپسىزدىك شارتتارى تۋرالى ماسەلەلەردى كوتەردى. Sky News باسىلىمى كەلىسسوزدەر ۋاشينگتون ۇسىنعان كەلىسىمنىڭ شەشىلمەگەن ەلەمەنتتەرىنە نەگىزدەلگەنىن انىقتادى.

فەدەراتسيا كەڭەسىنىڭ حالىقارالىق ىستەر جونىندەگى كوميتەتى توراعاسىنىڭ ءبىرىنشى ورىنباسارى ۆلاديمير دجاباروۆ ابۋ-دابيدەگى كەلىسسوزدەردىڭ تىنىشتىق جاعدايىندا وتكەنىنە نازار اۋداردى.

"بۇل ءبىز بارلىعىن ءباسپاسوز ارقىلى ەمەس، اسىرەسە ۋكرايندىق ارقىلى بىلەتىنىمىزگە قۋانىشتىمىز. ەڭ باستىسى كەلىسسوزدەر جۇرگىزىلۋى ءتيىس. بۇل وڭدى ءسات. ءبىز مۇنى ەسكەرۋىمىز كەرەك", - دەدى سەناتور.

ءباا-دەگى كەلىسسوزدەردە تاراپتار نەگە قول جەتكىزدى؟

Axios اگەنتتىگىنە امەريكا شەنەۋنىكتەرى اقش، رەسەي جانە ۋكراينانىڭ ءابۋ-دابيدەگى ۇشجاقتى كەلىسسوزدەرى جەمىستى بولدى جانە العا جىلجۋعا مۇمكىندىك بەردى، دەپ حابارلادى.

ولاردىڭ ايتۋىنشا، تاراپتار نەگىزگى ماسەلە - ۋكراينانىڭ شىعىسىنداعى اۋماقتىق باقىلاۋ بويىنشا ۇستانىمدارى ءبىر كەلكىلەنە باستادى. ەكى كۇن بويى رەسەيدىڭ دونباسس بويىنشا تالاپتارى، زاپوروجە اەس توڭىرەگىندەگى كەلىسپەۋشىلىكتەر جانە سوعىستىڭ اياقتالعانىن راستايتىن جانە ونىڭ قايتا باستالۋىن بولدىرمايتىن دەەسكالاتسيا جونىندەگى ىقتيمال قادامدار تالقىلاندى.

ءبىر دەرەككوزدىڭ ايتۋىنشا، پۋتين جابىق كەزدەسۋ بارىسىندا ديپلوماتيالىق رەتتەۋگە مۇددەلى ەكەنىن مالىمدەگەن ەكەن. امەريكا مالىمەلەگەرلەرى تالقىلاۋلار ءۇزىلىسسىز وتكەنىن، تاراپتار ءبىر-بىرىنە قۇرمەتپەن قاراپ، بىتپەس داۋدىڭ شەشىمىن بىرلەسە ىزدەگەندەرىن ايتادى. دەرەككوزدەردىڭ باعالاۋىنشا، كەلىسسوزدەردىڭ قورىتىندىسى وسى كەزەڭدە بارىنشا وڭ بولدى، ال ءابۋ-دابيدەگى كەزدەسۋ ديالوگتىڭ كەلەسى كەزەڭىنە ماڭىزدى قادام رەتىندە قاراستىرىلادى.

اتى-جوندەرىن اتاماۋدى وتىنگەن اقش-تىڭ  وكىلدەرى تاراپتار رەسەي مەن ۋكراينا پرەزيدەنتتەرىنىڭ تىكەلەي كەزدەسۋىن ۇيىمداستىرۋعا تاياۋ ەكەنىن مالىمدەدى. كەلىسسوزدەردىڭ كەلەسى راۋندى 1 اقپاندا، سونداي-اق ، ول تاعى دا ابۋ-دابيدە وتەدى دەپ كۇتىلۋدە.

امەريكا شەنەۋنىگى Axios-قا ابۋ-دابيدەگى ۇشجاقتى كەلىسسوزدەردەگى پروگرەسس تۋرالى ايتىپ بەردى.

"بارلىعى تالقىلاندى. تاراپتاردىڭ ەشقايسىسى پىكىرتالاستاردان باسىن الا قاشقان جوق. ءبىز بىردە-ءبىر ماسەلەنى تالقىلاۋسىز قالدىرعان جوقپىز جانە ەشكىمدى كۇشتەپ كوندىرۋگە ءماجبۇر بولعان جوقپىز. زالدا قۇرمەت سەزىمى ورناپ، ءبارى دە شىن پەيىلدەرىمەن  شەشىم ىزدەدى.

كەلىسسوزدەردىڭ ەكىنشى كۇنىنىڭ سوڭىندا ءۇش كوماندا بىرگە تۇسكى اسقا جينالدى:

ءبارى دوس سياقتى كورىنەتىن كەز تۋىپ، مەن ءۇمىت وتىنىڭ جانعانىن سەزىندىم", - دەيدى.

اقش-تىڭ باسقا وكىلى جۋرناليستەرگە كەزدەسۋلەر جاقسى وتكەنىن جانە ۋاشينگتون دا "قول جەتكىزگەن مامىلەگە" ريزا ەكەنىن ايتتى

اقش، رەسەي جانە ۋكراينانىڭ ءابۋ-دابيدەگى ۇشجاقتى كەلىسسوزدەرى جەمىستى بولدى جانە العا جىلجۋعا مۇمكىندىك بەردى، دەپ حابارلادى Axios اگەنتتىگىنە امەريكا شەنەۋنىكتەرى ءبىر اۋىزدان.

Abai.kz