ءدىننىڭ كونستيتۋتسيا دەڭگەيىندە مەملەكەتتەن ءبولىنۋى قوعامدىق كەلىسىمدى نىعايتادى – گۇلزيرا اتاباەۆا
كونستيتۋتسياعا ءدىندى مەملەكەتتەن بولەتىن جانە زياتكەرلىك مەنشىكتى قورعاۋدى كۇشەيتەتىن ءبىلىم بەرۋدىڭ زايىرلى سيپاتىن بەكىتەتىن تۇزەتۋلەر قازاقستاننىڭ جاساندى ينتەللەكت داۋىرىندە دامۋىنا ىقپال ەتەتىن بولادى. مۇنداي پىكىردى كونستيتۋتسيالىق رەفورما جونىندەگى كوميسسيانىڭ ءۇشىنشى وتىرىسىندا «كەلەشەك» جاستار كەڭەسىنىڭ باسشىسى گۇلزيرا اتاباەۆا ايتتى.
ول كونستيتۋتسياعا وزگەرىستەر ەنگىزۋ بويىنشا قاراستىرىلىپ وتىرعان ۇسىنىستار ءبىر-ءبىرىن قيسىندى تۇردە تولىقتىراتىنىن جانە دۇنيەتانىمدىق نەگىزدەردەن باستاپ تسيفرلىق داۋىردەگى تۇلعانى قورعاۋعا دەيىنگى كونستيتۋتسيالىق كەپىلدىكتەردىڭ تۇتاس جۇيەسىن قالىپتاستىراتىنىن اتاپ ءوتتى.
گۇلزيرا اتاباەۆانىڭ ايتۋىنشا، ءبىلىم بەرۋدىڭ زايىرلى سيپاتىن ناقتى بەكىتۋ تۋرالى ۇسىنىستىڭ تۇپكىلىكتى ءارى ۋاقىتىلى ءمانى بار.
«جاستار ءۇشىن بۇل ابستراكتىلى ەمەس، پراكتيكالىق ماسەلە. مەكتەپ – بۇل تەڭ مۇمكىندىكتەر مەن داستۇرلەردى قۇرمەتتەۋ كەڭىستىگى. كونستيتۋتسياداعى تىكەلەي نورما تاربيە مەن ءبىلىم بەرۋ جۇيەسى ءۇشىن ايقىن باعدار بولادى»، – دەدى گۇلزيرا اتاباەۆا.
ونىڭ پىكىرىنشە، ءدىندى مەملەكەتتەن ءبولۋ قاعيداتىن تىكەلەي بەكىتۋ تۋرالى ۇسىنىس تا ماڭىزدى.
«بۇل جاستار ءۇشىن ءتۇرلى كوزقاراس پەن نانىم-سەنىمگە قاراماستان، مەملەكەتتىڭ بارىنە بەيتاراپ جانە تەڭ بولىپ قالۋىنىڭ كەپىلى. وسىنداي سەزىمتال سالاداعى كونستيتۋتسيالىق نورمانىڭ ايقىندىلىعى قوعامدىق كەلىسىم مەن بيلىك ينستيتۋتتارىنا دەگەن سەنىمدى نىعايتادى»، – دەپ اتاپ ءوتتى گۇلزيرا اتاباەۆا.
ول «كەلەشەك» جاستار كەڭەسى شىعارماشىلىق ەركىندىكتىڭ، ءسوز بوستاندىعىنىڭ جانە زياتكەرلىك مەنشىكتى قورعاۋدىڭ كەپىلدىكتەرىن كۇشەيتۋ جونىندەگى باستامانى تولىق ماقۇلدايتىنىن ايتتى.
«قازىرگى جاستار يدەيالار، كونتەنت جانە يننوۆاتسيالار ورتاسىندا ءومىر سۇرەدى. زياتكەرلىك ەڭبەكتى ناقتى قورعاۋسىز عىلىمدى، مادەنيەتتى جانە شىعارماشىلىق ەكونوميكانى دامىتۋ مۇمكىن ەمەس. بۇل قاعيداتتاردى كونستيتۋتسيالىق بەكىتۋ – ەلدىڭ زياتكەرلىك الەۋەتىنە ينۆەستيتسيا»، - دەپ اتاپ ءوتتى سپيكەر.
قورىتىندىلاي كەلە، ول كونستيتۋتسياعا زاماناۋي ۇعىمداردى ەنگىزۋ تسيفرلاندىرۋ مەن جاساندى ينتەللەكتىنىڭ قارقىندى داۋىرىندە قازاقستاندىق قوعامنىڭ تابىستى دامۋىنا ىقپال ەتەتىنىن ايتتى.
بۇدان باسقا، ۇسىنىلىپ وتىرعان وزگەرىستەر قازاقستاندىق قوعامنىڭ ايقىن ەرەجەلەرگە، بولاشاققا باعدارلانعان كۇشتى جانە ءادىل مەملەكەتكە دەگەن سۇرانىسىن تولىق كورسەتەدى.
Abai.kz
