ءىسى تەرگەۋدە، ءوزى قاماۋدا جاتقان "قازاتومپروم" قازاقستان ۇلتتىق اتوم كومپانياسىنىڭ بۇرىنعى باسشىسى مۇحتار جاكىشەۆ مەديتسينالىق تەكسەرۋدەن ءوتۋ ءۇشىن اۋرۋحانعا جاتقىزىلدى. بۇل تۋرالى ۇلتتىق قاۋىپسىزدىك كوميتەتى ءباسپاسوز قىزمەتىنىڭ باسشىسى كەنجەبولات بەكنازاروۆ حابارلادى.

  سەيسەنبى كۇنى ك. بەكنازاروۆ بىرقاتار باق-تىڭ تاراتقان حابارلاماسىن "ينتەرفاكس-قازاقستان" اگەنتتىگىنە: "راسىندا دا، جاكىشەۆ ستاتسيونارلىق جاعدايلاردا مەديتسينالىق تەكسەرىستەردەن ءوتۋ ءۇشىن اۋرۋحاناعا جاتقىزىلدى. بۇل ونىڭ دەنساۋلىق احۋالى تۋراسىندا تاراپ كەتكەن دابىرا ءسوزدىڭ تۇمانىن سەيىلتۋ ماقساتىندا ونىڭ ناۋقاسىنىڭ دالمە-ءدال دياگنوزىن انىقتاۋ ءۇشىن جاسالىپ وتىر",-دەپ راستادى.

 ول، سونداي-اق، "جاكىشەۆ استانا قالاسىنداعى رەسپۋبليكالىق كلينيكالىق اۋرۋحاناعا جاتقىزىلدى، كۇزەتى كۇشەيتىلگەن جانە ونىمەن تىلدەسۋگە شەكتەۋ قويىلعان",-دەپ قوسىپتى.

 وسى جىلدىڭ مامىرىندا تۇتقىندالعان م. جاكىشەۆ استاناداعى ۇقك تەرگەۋ يزولياتورىندا ۇستالىپ كەلگەن بولاتىن.

ءىسى تەرگەۋدە، ءوزى قاماۋدا جاتقان "قازاتومپروم" قازاقستان ۇلتتىق اتوم كومپانياسىنىڭ بۇرىنعى باسشىسى مۇحتار جاكىشەۆ مەديتسينالىق تەكسەرۋدەن ءوتۋ ءۇشىن اۋرۋحانعا جاتقىزىلدى. بۇل تۋرالى ۇلتتىق قاۋىپسىزدىك كوميتەتى ءباسپاسوز قىزمەتىنىڭ باسشىسى كەنجەبولات بەكنازاروۆ حابارلادى.

  سەيسەنبى كۇنى ك. بەكنازاروۆ بىرقاتار باق-تىڭ تاراتقان حابارلاماسىن "ينتەرفاكس-قازاقستان" اگەنتتىگىنە: "راسىندا دا، جاكىشەۆ ستاتسيونارلىق جاعدايلاردا مەديتسينالىق تەكسەرىستەردەن ءوتۋ ءۇشىن اۋرۋحاناعا جاتقىزىلدى. بۇل ونىڭ دەنساۋلىق احۋالى تۋراسىندا تاراپ كەتكەن دابىرا ءسوزدىڭ تۇمانىن سەيىلتۋ ماقساتىندا ونىڭ ناۋقاسىنىڭ دالمە-ءدال دياگنوزىن انىقتاۋ ءۇشىن جاسالىپ وتىر",-دەپ راستادى.

 ول، سونداي-اق، "جاكىشەۆ استانا قالاسىنداعى رەسپۋبليكالىق كلينيكالىق اۋرۋحاناعا جاتقىزىلدى، كۇزەتى كۇشەيتىلگەن جانە ونىمەن تىلدەسۋگە شەكتەۋ قويىلعان",-دەپ قوسىپتى.

 وسى جىلدىڭ مامىرىندا تۇتقىندالعان م. جاكىشەۆ استاناداعى ۇقك تەرگەۋ يزولياتورىندا ۇستالىپ كەلگەن بولاتىن.

ونىڭ زايىبى ءجاميلا مەن ادۆوكاتتارىنىڭ بۇعان دەيىن دە "مۇحتار جاكىشەۆتىڭ دەنساۋلىعى بارعان سايىن ناشارلاپ بارادى" دەپ بىرنەشە مارتە مالىمدەگەنى جۇرتتىڭ ەسىندە. اتاپ ايتقاندا، ج. جاكىشەۆانىڭ سوزدەرىنە قاراعاندا، كارديولوگ مۇحتار جاكىشەۆتىڭ بويىنان گيپەرتونيانىڭ اسقىنۋىن (قان قىسىمى تومەندەمەيدى، سىناپ باعانى بويىنشا 200 دە 140-تىڭ شەگىندە تۇراقتى تۇر), جۇرەكتىڭ سول جاق قالتاسىنىڭ اتروفياسىن (جانسىزدانۋىن) تىركەگەن، ونىڭ بويىنان قۋات كەتىپ، ۇنەمى باس جانە جۇرەك اۋرۋلارىنان ازاپ شەگۋدە. تۇتقىننىڭ قول-اياقتارى ءىسىنىپ، قولىنىڭ قان تامىرلارى جارىلۋدا، ول ازەر قوزعالادى جانە ءتىپتى، ءوزىنىڭ ادۆوكاتىمەن دە جوندەپ سويلەسە المايدى،-دەپ تۇجىرىمدايدى ج. جاكىشەۆا.

 بۇدان بۇرىن حابارلانعانىنداي، بيىلعى مامىردان بەرى تەكسەرىلىپ جاتقان،  ارنايى قىزمەتتىڭ "قازاتومپروم" باسشىلىعىنا، بارىنەن بۇرىن مۇحتار جاكىشەۆكە قاتىستى قوزعاعان، "ۋراندى ءىس" دەگەن اتقا يە بولعان ءىستى تاياۋ كۇندەرى پروكۋراتۋرا قايتا تولىقتىرىپ تەكسەرۋ ءۇشىن كەرى قايتارعان بولاتىن. ۇلتتىق اتوم كومپانياسىنىڭ بۇرىنعى باسشىسى قىزمەتتىك قۇزىرەتىن اسىرا پايدالانعان، ءىرى مولشەردەگى مەملەكەت قاراجاتىن ۇرلاعان، قازاقستاننىڭ ۋران ءوندىرۋ سالاسىنا زيان كەلتىرگەن دەپ ايىپتالىپ وتىر. اتالعان ءىس رەسپۋبليكا مەن ودان تىس جەرلەردە ۇلكەن قوعامدىق سىلكىنىس تۋعىزدى.