كەزدەسۋ ماسكەۋدە ءوتتى.

كەلىسسوزدەر رەسەيدىڭ سيرياداعى، سونىڭ ىشىندە اسكەري ىقپالىن ساقتاپ قالۋعا ۇمتىلعان كەزەڭدە ءوتىپ جاتىر. 

بۇل كرەملدىڭ بۇرىنعى وداقتاسى باشار اساد بيلىكتەن قۇلاتىلعاننان كەيىن ءبىر جىلدان كەيىنگى العاشقى كەزدەسۋ.

Al Jazeera مالىمەتىنشە، كەزدەسۋدىڭ الدىندا اش-شاراا پۋتينگە سيريانىڭ اۋماقتىق تۇتاستىعىن قولداعانى ءۇشىن العىس ءبىلدىرىپ، رەسەيدىڭ وڭىردەگى تۇراقتىلىقتى قامتاماسىز ەتۋدەگى ءرولىن اتاپ وتكەن.

ۆلاديمير پۋتين ءوز كەزەگىندە سيريا باسشىسىنىڭ ەلدەگى جاعدايدى تۇراقتاندىرۋ جانە مەملەكەتتىڭ تۇتاستىعىن قالپىنا كەلتىرۋ باعىتىنداعى ارەكەتتەرىن قولدايتىنىن ايتتى.

سيرياداعى سوعىس كەزىندە ون جىلدان استام ۋاقىت بويى تاراپتار قاقتىعىستىڭ قاراما-قارسى جاقتارىندا بولدى. وسىعان بايلانىستى ماسكەۋدە داماسكىدەگى جاڭا بيلىك رەسەيمەن ىنتىماقتاستىقتان باس تارتۋى مۇمكىن دەگەن الاڭداۋشىلىق بولعان.

كەلىسسوزدەردىڭ نەگىزگى تاقىرىپتاردىڭ ءبىرى رەسەيدىڭ اسكەري بازالارىنىڭ بولاشاعى. اتاپ ايتقاندا، جەرورتا تەڭىزى جاعالاۋىنداعى حمەيميم اۋە بازاسى مەن تارتۋس اسكەري-تەڭىز بازاسىنىڭ تاعدىرى تالقىلانعان.

Abai.kz