ەستەرىڭىزگە سالا كەتسەك، كونستيتۋتسيالىق رەفورما مەملەكەت باسشىسى قاسىم-جومارت توقاەۆتىڭ قازاقستاندا ءبىر پالاتالى پارلامەنت قۇرۋ جونىندەگى باستاماسىنىڭ نەگىزىندە تۋىنداعان بولاتىن. پرەزيدەنت بۇل يدەيانى 2025 جىلعى 8 قىركۇيەكتە ءوزىنىڭ حالىققا ارناعان جىل سايىنعى جولداۋىندا ەلدىڭ ساياسي جۇيەسىن كەشەندى جاڭعىرتۋ جانە جاساندى ينتەللەكت داۋىرىندە قازاقستاننىڭ الەۋمەتتىك-ەكونوميكالىق دامۋىنا ەلەۋلى وڭ سەرپىن بەرۋ ماقساتىندا ايتقان بولاتىن.

ءدال بۇگىن 2026 جىلدىڭ 26 قاڭتارىندا كونستيتۋتسيالىق رەفورمالار جونىندەگى كوميسسيا قازاقستان رەسپۋبليكاسىنىڭ جاڭا اتا زاڭىنىڭ جوباسىن جاريالادى.

بۇل – ەل تاريحىنداعى ماڭىزدى ءارى تاعدىرلى قادام. جاڭا كونستيتۋتسيا جوباسى مەملەكەت دامۋىنىڭ جاڭا كەزەڭىنە ساي ازىرلەنىپ، ساياسي جۇيەنى جاڭعىرتۋعا، دەموكراتيالىق ينستيتۋتتاردى نىعايتۋعا جانە حالىقتىڭ بيلىككە دەگەن سەنىمىن ارتتىرۋعا باعىتتالعان.

جوبا ازاماتتاردىڭ قۇقىقتارى مەن بوستاندىقتارىن قورعاۋدى كۇشەيتۋدى، زاڭ ۇستەمدىگىن قامتاماسىز ەتۋدى جانە ادىلەتتى قوعام قۇرۋدى باستى ماقسات ەتىپ قويادى. سونىمەن قاتار بيلىك تارماقتارى اراسىنداعى تەپە-تەڭدىك پەن جاۋاپكەرشىلىكتى ارتتىرۋ، جەرگىلىكتى ءوزىن-ءوزى باسقارۋدى دامىتۋ، ازاماتتىق قوعامنىڭ ءرولىن كۇشەيتۋ ماسەلەلەرىنە ەرەكشە نازار اۋدارىلعان.
كوميسسيا جاڭا اتا زاڭدى ازىرلەۋ بارىسىندا قوعام پىكىرىن ەسكەرۋگە، اشىقتىق پەن جاريالىلىق قاعيداتتارىن ساقتاۋعا باسىمدىق بەردى. بۇل قۇجات ءاربىر ازاماتتىڭ مۇددەسىن قورعاپ، ەلدىڭ تۇراقتى دامۋىنا قۇقىقتىق نەگىز قالىپتاستىرۋدى كوزدەيدى.

جاڭا كونستيتۋتسيا جوباسىنىڭ جاريالانۋى – حالىقتىڭ مەملەكەت باسقارۋ ىسىنە بەلسەندى قاتىسۋىنا مۇمكىندىك بەرەتىن، ادىلەتتى ءارى زاماناۋي قازاقستاندى قالىپتاستىرۋعا باعىتتالعان ماڭىزدى باستاما بولىپ تابىلادى.

P.S. ءال-فارابي اتىنداعى قازاق ۇلتتىق ۋنيۆەرسيتەتىنىڭ بيولوگيا جانە بيوتەحنولوگيا فاكۋلتەتىنىڭ ۇجىمى دا قازاقستان رەسپۋبليكاسىنىڭ جاڭا اتا زاڭىنىڭ جوباسىنا ساي ءبىلىم جانە عىلىم سالاسىنا، ياعني ءوز تاراپىمىزعا ءتيىستى ماسەلەلەردىڭ ورىندالۋىنا، مەملەكەتىمىزدىڭ گۇلدەنۋىنە جانە وركەندەۋىندە ساپالىلىق پەن جاۋاپكەرشىلىكتى ارتتىرۋ ءۇشىن بارىن سالادى.

بارشاڭىزعا اماندىق، تابىس تىلەيمىز.
قازاقستانىمىز ماڭگى جاساي بەرسىن!.