مەملەكەت باسشىسى 2026 جىلعى 15 ناۋرىزدا رەسپۋبليكالىق رەفەرەندۋم وتكiزۋ تۋرالى جارلىققا قول قويدى. بۇل تۋرالى اقوردانىڭ ءباسپاسوز قىزمەتى حابارلادى.

پرەزيدەنت جارلىعى:

قازاقستان رەسپۋبليكاسى كونستيتۋتسيانىڭ 44-بابىنىڭ 10) تارماقشاسىنا جانە «رەسپۋبليكالىق رەفەرەندۋم تۋرالى» قازاقستان رەسپۋبليكاسى كونستيتۋتسيالىق زاڭىنىڭ 18-بابىنا سايكەس قاۋلى ەتەمىن:

1. 2026 جىلعى 15 ناۋرىزدا رەسپۋبليكالىق رەفەرەندۋم وتكىزىلسىن.

2. قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى: «جوباسى بۇقارالىق اقپارات قۇرالدارىندا 2026 جىلعى 12 اقپاندا جاريالانعان قازاقستان رەسپۋبليكاسىنىڭ جاڭا كونستيتۋتسياسىن قابىلدايسىز با؟» دەگەن ساۋال قويىلىپ، رەسپۋبليكالىق رەفەرەندۋمعا شىعارىلسىن.

3. وسى جارلىق پەن كونستيتۋتسيانىڭ جوباسى 2026 جىلعى 12 اقپاندا بۇقارالىق اقپارات قۇرالدارىندا رەسمي تۇردە جاريالانسىن.

4. رەسپۋبليكالىق رەفەرەندۋمعا دايىندىق پەن ونى وتكiزۋ رەفەرەندۋمنىڭ ورتالىق كوميسسياسىنىڭ قىزمەتiن اتقاراتىن ورتالىق سايلاۋ كوميسسياسىنا، سونداي-اق رەفەرەندۋمنىڭ اۋماقتىق جانە ۋچاسكەلiك كوميسسيالارىنىڭ قىزمەتiن اتقاراتىن اۋماقتىق جانە ۋچاسكەلiك سايلاۋ كوميسسيالارىنا جۇكتەلسiن.

5. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ ورتالىق سايلاۋ كوميسسياسىمەن، قازاقستان رەسپۋبليكاسىنىڭ باسقا دا ورتالىق مەملەكەتتىك جانە جەرگىلىكتى اتقارۋشى ورگاندارىمەن بىرلەسىپ، رەسپۋبليكالىق رەفەرەندۋمدى ۇيىمداستىرۋ جانە وتكىزۋ بويىنشا قاجەتتى شارالار قابىلداسىن.

6. وسى جارلىق جاريالانعان كۇنىنەن باستاپ قولدانىسقا ەنگىزىلەدى.

Abai.kz