جاڭا كونستيتۋتسيا جوباسى بويىنشا – پارلامەنتتىڭ (سەنات پمەن ءماجىلىس) وكىلەتتىگى 1 شىلدەدە اياقتالۋى ءتيىس.

ول ءۇشىن اۋەلى جاڭا كونستيتۋتسيا رەفەرەندۋمدا قولداۋ تابۋى ءتيىس. ال مەملەكەت باسشىسى كەشە جالپىحالىقتىق رەفەرەندۋمدى 2026 جىلدىڭ 15 ناۋرىزى كۇنگە بەلگىلەپ، جارلىق شىعارعان بولاتىن.

بۇگىن كونستيتۋتسيالىق كوميسسيا جاڭا كونستيتۋتسيانىڭ قورىتىندى جوباسىن جاريالادى.

قۇجات 11 ءبولىم، 96 باپتان تۇرادى. اتالعان كونستيتۋتسيانىڭ «قورىتىندى جانە وتپەلى ەرەجەلەر» دەپ اتالاتىن XI ءبولىمىنىڭ 95 بابىندا قازىرگى پارلامەنتتىڭ وكىلەتتىگىن توقتاتۋ تۋرالى جازىلعان.

وندا كونستيتۋتسيا كۇشىنە ەنگەن كۇننەن باستاپ 1 اي ىشىندە قازاقستان رەسپۋبليكاسىنىڭ پرەزيدەنتى قۇرىلتاي سايلاۋىن جاريالاۋعا ءتيىس ەكەنى جانە ول 2 اي ىشىندە وتكىزىلەتىنى جازىلعان.

ال ءبىرىنشى شاقىرىلعان قۇرىلتايدىڭ ءبىرىنشى سەسسياسى اشىلعان كۇننەن باستاپ 2 اي ىشىندە قر پرەزيدەنتى قۇرىلتايدىڭ كەلىسىمىمەن ۆيتسە-پرەزيدەنتتى، كونستيتۋتسيالىق سوت توراعاسى مەن سۋديالاردى، ورتالىق سايلاۋ كوميسسياسىنىڭ، جوعارى اۋديتورلىق پالاتانىڭ توراعالارى مەن مۇشەلەرىن، جوعارعى سوت توراعاسى، ۇلتتىق بانك توراعاسى، باس پروكۋرور، ۇلتتىق قاۋىپسىزدىك كوميتەتىنىڭ توراعاسى، جوعارى سوت كەڭەسىنىڭ توراعاسى، ادام قۇقىقتارى جونىندەگى ۋاكىلدى تاعايىندايدى.

Abai.kz