قاسىم-جومارت توقاەۆتىڭ 2026 جىلعى 9 اقپانداعى جارلىعىمەن قازاقستان رەسپۋبليكاسى ۇلتتىق قاۋىپسىزدىك كوميتەتى تۋرالى ەرەجەگە وزگەرىستەر مەن تولىقتىرۋلار ەنگىزىلدى.

قازاقستان رەسپۋبليكاسى ۇلتتىق قاۋىپسىزدىك كوميتەتى — قازاقستان رەسپۋبليكاسى پرەزيدەنتىنە تىكەلەي باعىناتىن جانە ەسەپ بەرەتىن، ءوز وكىلەتتىكتەرى شەگىندە ۇلتتىق قاۋىپسىزدىك ورگاندارىنىڭ بىرىڭعاي جۇيەسىنە، بارلاۋ، قارسى بارلاۋ جانە جەدەل-ىزدەستىرۋ قىزمەتىنە، مەملەكەتتىك شەكارانى قورعاۋ جانە كۇزەتۋ سالاسىنا، ۇكىمەتتىك بايلانىستى قامتاماسىز ەتۋ مەن شيفرلاۋ جۇمىسىن ۇيىمداستىرۋعا، سونداي-اق اقپاراتتاندىرۋ سالاسىنداعى مەملەكەتتىك باقىلاۋعا (اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنىڭ اقپاراتتىق قاۋىپسىزدىگى بولىگىندە), تەرروريزم اكتىلەرىنىڭ جانە جەكە ادامعا، قوعام مەن مەملەكەتكە قارسى وزگە دە اسا قاۋىپتى قىلمىستىق قول سۇعۋشىلىقتاردىڭ جولىن كەسۋگە باسشىلىقتى جۇزەگە اسىراتىن ارناۋلى مەملەكەتتىك ورگان.

سونىمەن قاتار، ۇقك ۇلتتىق قاۋىپسىزدىك ورگاندارى اۆياتسياسىنىڭ قىزمەتىن ۇيىمداستىرادى، سىبايلاس جەمقورلىق قۇقىق بۇزۋشىلىقتاردى انىقتايدى، جولىن كەسەدى، اشادى جانە تەرگەيدى، مەملەكەتتىك قۇپيالاردىڭ قورعالۋىن قامتاماسىز ەتەدى ءارى قازاقستان رەسپۋبليكاسىندا ولاردى قورعاۋ جونىندەگى ۋاكىلەتتى ورگان سانالادى.

ەندى كوميتەت اقپاراتتىق قاۋىپسىزدىكتى قامتاماسىز ەتۋ جانە جەدەل-ىزدەستىرۋ ءىس-شارالارىن جۇرگىزۋگە ارنالعان ارنايى تەحنيكالىق قۇرالدار سالالارىندا بەرىلگەن رۇقساتتار بويىنشا مەملەكەتتىك باقىلاۋدى جۇزەگە اسىرۋعا قۇقىلى. اتالعان باقىلاۋ بەرىلگەن رۇقساتتار شەڭبەرىندە بىلىكتىلىك نەمەسە رۇقسات بەرۋ تالاپتارىنا سايكەستىگىن تەكسەرۋ تۇرىندەگى تەكسەرۋلەر جانە قازاقستان رەسپۋبليكاسىنىڭ كاسىپكەرلىك كودەكسىنە سايكەس جۇرگىزىلەتىن جوسپاردان تىس تەكسەرۋلەر نىسانىندا جۇزەگە اسىرىلادى.

قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ جاڭا فۋنكتسيالارىنا مىنالار جاتادى:

— اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنىڭ اقپاراتتىق قاۋىپسىزدىگى بولىگىندە اقپاراتتاندىرۋ سالاسىندا مەملەكەتتىك باقىلاۋدى جۇزەگە اسىرۋ;

— اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنىڭ اقپاراتتىق قاۋىپسىزدىگى بولىگىندە اقپاراتتاندىرۋ سالاسىنداعى قازاقستان رەسپۋبليكاسى زاڭناماسىنىڭ تالاپتارى بۇزىلعان جاعدايدا نۇسقامالار بەرۋ;

— اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنىڭ اقپاراتتىق قاۋىپسىزدىگى بولىگىندە اقپاراتتاندىرۋ سالاسىنداعى قازاقستان رەسپۋبليكاسى زاڭناماسىنىڭ تالاپتارى بۇزىلعانى انىقتالعان كەزدە ورىندالۋى مىندەتتى نۇسقامالاردى جولداۋ.

جارلىق 2026 جىلعى 9 اقپاننان باستاپ قولدانىسقا ەنگىزىلدى.

Abai.kz