بۇل ناتيجە قازاقستاندىق شاحماتشىعا 2027 جىلى گەرمانيانىڭ ۆايسەنحاۋس قالاسىندا وتەتىن الەمدىك چەمپيوناتقا جولداما بەردى.

گەرمانيادا فريستايل-شاحماتتان، ياعني فيشەر شاحماتىنان الەم چەمپيوناتى ءوتتى. تۋرنير تەك ەرلەر اراسىندا ۇيىمداستىرىلدى. ال ايەلدەر اراسىندا تەك ءبيبىسارا اساۋباەۆا مەن الەكساندرا كوستەنيۋك اراسىندا كورمە ماتچى وينالدى.

ءتورت پارتيادان تۇرعان ماتچ قازاقستاندىق شاحماتشىنىڭ جەڭىسىمەن اياقتالدى. ەسەپ 2,5:1,5 بولدى. 2027 جىلى ۇيىمداستىرۋشىلار ايەلدەر اراسىندا فريستايل-شاحماتتان الەم چەمپيوناتىن وتكىزۋدى جوسپارلاپ وتىر. بۇل تۋرنيرگە اساۋباەۆا ناقتى قاتىسادى.

ماتچ بارىسىندا 12-ءشى الەم چەمپيونى الەكساندرا كوستەنيۋكتى جەڭدىم. جەڭىسكە جەتۋ ءاردايىم جاعىمدى، سەبەبى بۇل جەتىستىك 2027 جىلى ۆايسەنحاۋستا وتەتىن كەلەسى فريستايل-شاحماتتان الەم چەمپيوناتىنا قاتىسۋىما كەپىلدىك بەرەدى، – دەدى اساۋباەۆا.

اتاقتى قارسىلاستى جەڭۋ تەك بەدەلدى جەتىستىك قانا ەمەس، سونىمەن قاتار ماڭىزدى تۋرنيرلىك قادام بولدى. بۇل ناتيجە قازاقستاندىق شاحماتشىعا 2027 جىلى گەرمانيانىڭ ۆايسەنحاۋس قالاسىندا وتەتىن الەمدىك چەمپيوناتقا جولداما بەردى.

ءبيبىسارا ءۇشىن بۇل جەڭىس — حالىقارالىق ارەناداعى جوعارى دەڭگەيى مەن تۇراقتىلىعىنىڭ كەزەكتى دالەلى. ەكس-الەم چەمپيونىنان باسىم ءتۇسۋى جاس قازاقستاندىقتىڭ الەمنىڭ ەڭ مىقتى شاحماتشىلارىمەن باسەكەلەسۋگە دايىن ەكەنىن كورسەتتى.

Abai.kz