Al Jazeera مالىمەتىنشە، قوس ازاماتتىعى بار 189 قازاقستاندىق يزرايل ارمياسىنىڭ قاتارىندا قىزمەت ەتەدى جانە ولاردىڭ كەيبىرى گازا سەكتورىنداعى اسكەري ارەكەتتەرگە قاتىسقان بولۋى مۇمكىن، دەپ حابارلايدى Qaz365.kz.

باسىلىمنىڭ دەرەگىنە سايكەس، يزرايل ارمياسىندا شەتەلدىك تولقۇجاتى بار 50 مىڭنان استام ادام بار. ولاردىڭ ىشىندە اقش، فرانتسيا جانە رەسەي ازاماتتارى باسىم. سونىمەن قاتار 264 وزبەكستاندىق، 146 ازەربايجاندىق، 112 تۇركيا ازاماتى، 52 قىرعىزستاندىق جانە 31 تۇرىكمەنستاندىق اتالادى.

ايتا كەتۋ كەرەك، قازاقستاندا قوس ازاماتتىققا زاڭمەن تىيىم سالىنعان. بۇدان بولەك، قىلمىستىق كودەكستىڭ 172-بابىنا سايكەس، ەلدەن تىس جەردە قارۋلى قاقتىعىستارعا قاتىسقاندار 5 جىلدان 9 جىلعا دەيىن باس بوستاندىعىنان ايىرىلۋى مۇمكىن.

ەگەر جالدامالىلىق فاكتىسى دالەلدەنسە، قىلمىستىق كودەكستىڭ 170-بابى قولدانىلادى. بۇل باپ بويىنشا 7 جىلدان 12 جىلعا دەيىن باس بوستاندىعىنان ايىرۋ جانە مۇلىكتى تاركىلەۋ جازاسى قاراستىرىلعان. اۋىر زارداپتار بولعان جاعدايدا جازا 20 جىلعا دەيىن ۇلعايىپ، ازاماتتىقتان ايىرۋ شاراسى قولدانىلۋى مۇمكىن.

ازىرگە قازاقستاننىڭ رەسمي ورگاندارى بۇل اقپاراتقا قاتىستى رەسمي تۇسىنىكتەمە بەرگەن جوق.

Abai.kz